Angluni e Korinćanjenge 3 - Romski prevod Novog zaveta - Srbija

E Devlesere kandutne

¹ Thaj me, phraljalen, naštinđum tumenge te vakerav sar e đesutnenge aj sar e truponenge, sar e tikne ćhavorenge ano Hristo.

² Thudeja tumen parvarđum a na xapeja, kaj pana naštinen. Aj ni akana pana naštinen,

³ kaj sinjen pana trupune. Kaj sa džiko te si maškar tumende bićaljardipe thaj bijekhipe thaj ulavdipe, sar nasijen trupone thaj sar ni arakhen tumen po manuš?

⁴ Kaj kana nekoj vakerela: Me sem e Pavlosoro, a o aver me sem e Apolosoro, sar nasijen trupone?

⁵ Ko si, akana, o Pavle, a ko o Apolos, dži kandine andar save paćajen, thaj ađahar sar o Devljutno sakonese dinđa?

⁶ Me sejinđum, o Apolos vadinđa, aj o Devel kerđa te barjol.

⁷ Ađahar ni nane so odova savo sejinela, ni odova savo vadinela, aj o Devel savo kerel te barjol.

⁸ A odova savo sejinela thaj odova savo vadinela jekh si, thaj sakoj ka lel pli poćindi mamuj plo ćeripe.

⁹ Kaj amen sam e Devlesere kupakerutne, a tumen sen e Devlesiri njiva, e Devlesoro keripe.

¹⁰ Po dindipe e Devlesoro savo dindilope mange, me sem sar džando kerutno kerdem o temelji, a e aver duvarini pe leste; aj sakoj nek dikhela sar duvarini.

¹¹ Kaj temelji aver nikoj našti te ćhivel semo o thovdino, savo si o Isus Hristos.

¹² Ako li ko duvarel pe akava temelji sumnakaj, rup, kamle bara, kašta, khas, phus,

¹³ sakonesoro kotor ka ikljol ko dikhipe; kaj o Dive ka mothovel, kaj jagaja ka phućardol, thaj sakonesoro kotor jagaja ka phućel pe savo si.

¹⁴ Te aćhilo kaskoro kotor so duvarinđa, ka lel e poćindi;

¹⁵ Te kaskoro kotor thabljol, ka ovel zijanime, a korkoro ka ikalela pe, na ađahar sar andar e jag.

¹⁶ Na džanena li kaj sen hramo e Devlesoro thaj kaj o Đi Devlesoro dživdinela ane tumende?

¹⁷ Te điko ruminela o hramo e Devlesoro, ka ruminel ole o Devel; kaj si o hramo e Devlesoro sumnalo, a odova tumen sinjen.

¹⁸ Nikoj ma te xoxavdol: te nekoj maškar tumende gndinel kaj si džanglo ano kava bimeripe, nek ovel dilino te bi ovela džanglo.

¹⁹ Kaj si o džanipe akale themesoro dilinipe anglo Devel; kaj si hramome: Ov astarela e džanglen ano lengoro bižajipe.

²⁰ Thaj pale: O Devljutno džanela o gndipa e džanglengere kaj si khanćune.

²¹ Odolese nikoj ma te kerel baripe e manušencar, kaj sa si tumaro:

²² Ja o Pavle, ja o Apolos, ja Kifa, ja o them, ja o dživdipe, ja o meripe, ja akanutno, ja avutno, sa si tumaro,

²³ a tumen sen e Hristosere, a o Hristos si e Devlesoro.