Zabura 54 - Sabon Rai Don Kowa 2020

Zabura 54

Don mai bi da kaɗe-kaɗe. Da kayan kiɗi masu tsirkiya. Wani maskil ta Dawuda. Sa’ad da Zifawa suka tafi wurin Shawulu suka ce, “Ba Dawuda ba ne yake ɓuya a cikinmu?”

¹ Ka cece ni, ya Allah ta wurin sunanka; ka nuna ni marar laifi ne ta wurin ƙarfinka.

² Ka ji addu’ata, ya Allah; ka saurari maganar bakina.

³ Baƙi suna kawo mini hari; mutane marasa imani suna neman raina, mutanen da ba sa tsoron Allah. Sela

⁴ Tabbatacce Allah ne mai taimakona, Ubangiji shi ne wanda yake riƙe ni.

⁵ Bari mugunta ta shaƙe masu magana marar kyau a kaina; cikin amincinka ka hallaka su.

⁶ Zan miƙa hadaya ta yardar rai gare ka; zan yabe sunanka, ya Ubangiji, gama yana da kyau.

⁷ Gama ya cece ni daga dukan wahalolina, idanuna kuma sun ga an yi nasara a kan maƙiyana.