Zabura 128 - Sabon Rai Don Kowa 2020

Zabura 128

Waƙar haurawa.

¹ Masu albarka ne dukan masu tsoron Ubangiji, waɗanda suke tafiya a hanyoyinsa.

² Za ka ci amfanin aikinka; albarku da wadata za su zama naka.

³ Matarka za tă zama kamar kuringar inabi mai ’ya’ya a cikin gidanka; ’ya’yanka maza za su zama kamar tohon zaitun kewaye da teburinka.

⁴ Ta haka mai albarka yake wanda yake tsoron Ubangiji.

⁵ Bari Ubangiji ya albarkace ka daga Sihiyona dukan kwanakin ranka; bari ka ga wadatar Urushalima,

⁶ bari kuma ka rayu ka ga ’ya’ya ’ya’yanka. Salama tă kasance tare da Isra’ila.