Zabura 110 - Sabon Rai Don Kowa 2020

Zabura 110

Ta Dawuda. Zabura ce.

¹ Ubangiji ya ce wa Ubangijina, “Zauna a hannun damana, sai na sa abokan gābanka su zama matashin sawunka.”

² Ubangiji zai fadada ikon sandan mulkinka daga Sihiyona za ka yi mulki a tsakiyar abokan gābanka.

³ Rundunarka za su so yin yaƙi a ranarka ta yaƙi. Saye cikin ɗaukaka mai tsarki, daga cikin ciki na safiya za ka karɓi raɓar ƙuruciyarka.

⁴ Ubangiji ya rantse ba zai kuma canja zuciyarsa ba, “Kai firist ne har abada, bisa ga tsarin Melkizedek.”

⁵ Ubangiji yana a hannun damanka; zai murƙushe sarakuna a ranar fushinsa.

⁶ Zai hukunta al’ummai, yana tarawa gawawwaki yana kuma murƙushe masu mulkin dukan duniya.

⁷ Zai sha daga rafin da yake kusa da hanya; saboda haka zai ɗaga kansa sama.