3 यूहन्ना 1 - Sirmouri

नंमष्कार

¹ मुँह ठग्ड़ै की ढबे शे प्यारे गयुस के नाँम, जैच़्छ़ौ हाँव साच्चो पियार करू।

² हे प्यारे, मेरी ऐजी हिछ़या ढाल-अरज असो, के जैष्णी तुँऐं आत्त्मिक बड़ोत्री करी लई, तैष्णीं ही तुँऐं ओकी सोभी बातो दे भे बड़ोत्री करह्, अरह् राजी खुशी रंह्।

³ किन्देंखे के जबे किऐ भाऐ ईथै आऐ, अरह् तिन्ऐं तेरी सच्चाई के बारे दी गुवाऐ-शाज़्त देऐयों बुलो, के तू कैष्णा सच्चाई की बाटो दा चाले, तअ हाँव बैजाऐ खुशी हुआ।

⁴ मेरे ईन्दें शी बड़ी किऐ खुशी ने आथी, के हाँव ऐजो शुणू, के मेरे नहाँन्ड़िया सच्चाई दे चालो।

गयुस के तारीफ

⁵ हे प्यारे! तुओं भाऐ-बंईणों खे अरह् तिनू नुऐं बिश्वाषी भाऐ-बंईणों खे, जिन शा हाँव हेबी अपरयाँण असो; तिनू सोभी खे के तुऐं जू किऐ करी लो, सेजो ऐक साच्चै बिश्वाषी ज़ूगौ हुओं चेंई।

⁶ से कलीसिया के साम्णें तुवाँरे पियार के गुवाह्-शाज़्त असो, ठीक ऐजो असो, के तुँऐं ईनू ठीक-ढंग शे बिदा करह्, जुण्जो पंण्मिश्वर के माँन्णों ज़ूगौ हों।

⁷ किन्देंखे के तिन्ऐं गऐर यहूदी शी बिना किऐ सहाऐता मदत लुऐ बिना, प्रभू के काँम-काज़ शुरू करी थी।

⁸ ईन्देंखे ऐजो ठीक असो, के आँमें ऐष्णे लोगों के आदर-ईज्त्त करह्, के आँमें तैसी सच्चाई के साजी बंणी ज़ाँव।

दियुत्रिफेस अरह् दिमेत्रियुस

⁹ मुँऐ कलीसिया खे चिट्ठी लिखी थी, परह् दियुत्रिफेस जू तिन मुँझी हमेशा अगुवा बंण्णों चहाँव थिया, से अमाँरी ने माँनों थिया।

¹⁰ ईन्देंखे जबे हाँव तेथै आऊँबा, तअ तुवाँरे साम्णें तिनके जाँणें करे गुऐ, काँम-काज़ स्पष्ट करी देऊँबा, मतल्व बादे बुरे-बुरे शब्दो लई आँमों गाशी लाऐ गुऐ, दोष-कसूर, ऐती ने परह् ऐजे लोग ना तअ बरंम्बाणीं माँन्दे अरह् ना कलीसिया के अगुऐ ऐष्णों कर्णो देंदे; जुण्जे ऐष्णों कर्णो के हिछ़ुक हों, तिनू तअ: ऐजे लोग कलीसिया शे भे बाँईडे गाड़ो।

¹¹ हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।

¹² दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।

आखरी बात

¹³ मेरे तुँओं खे लिख्णों तअ भतकुछ थियों, परह् स्याई अरह् कलमी लई लिख्णों ने चहाँदा।

¹⁴ परह् मुँह भूर्षा असो, के तुँओं कैई शा शीघा भेटींदा; तबे आँमें आँम्णें-साँम्णे बात-चीत्त करूबे।

¹⁵ तुँओं शाँण्त्ति भेंट्दी रंह्। तुँओं खे साथी लोगो का नमंष्कार, खास करियों ऐक नाँम साथी खे नमंष्कार करे।