यूहन्ना 7 - घले नयाँ करारछाप्रो बासजे दीन्बर 1 होर्देङ्येदे येशू गालीलने तीछो ट्वानूदे, तर ङू यहूदियाने प्रदीङ् अन्र, चेनेयलो यहूदीयूदे ङूने सेने च्यूक्तीन ख्य। 2 जेम्से यहूदीयूजे छाप्रोबासजे दीन्बर ट्याने र ख्य। 3 येरेक्यूत्देबे येशूजे च्योन्यूदे ङूने यदे, “अम्ब ने पोङ्देबे यहूदियाने प्र च, मेस्ये नदे चीन्नब कामयू नैजे स्यूस्स्यायूदेये तङ्स्य। 4 न मीन् चील्लीस्य मनब मीदे रङ्सेदे चेब काम नङ्सू अन्ची। होरप्रने नदेये हार्मन्देब काम चीन्न ख्यङ् मेस्ये अम्ब हार्मन्देब काम संसारजे मीयू क्वादेने था क्यूस्स्य।” 5 चेनेयलो ङूजे च्योन्यूदेये ङू फ्याने विश्वास अन्चे ख्य। 6 येशूदे थमयूने यदे, “ङैजे लागि ज्य सेमे चूजोसेमेने अन्र ख्यङ्, तर नमयूजे लागि कम्ब सेमेने यली ज्य ख्यङ्। 7 संसारजे मीयूदे नमयूने ह्यल चे अन्खू, तर ङैने ह्यल चीक्क्य, चेनेयलो ङैदे संसारजे मीयूदे चेब कामयू दुष्ट ख्यङ् यदेबे ङैदे गवाही पीन्क्य। 8 नमयू अम्ब दीन्बर मन्देने प्र। ङ अम्ब दीन्बर मन्देने अम्प्र, चेनेयलो ङैजे सेमे चूजोसेमे अम्फ्योर ख्यङ्।” 9 थमयूने येरे यदेबे येशू गालीलनेने टूनूदे। 10 तर येशूजे च्योन्यू दीन्बर मन्देने गीलेङ्येदे ङूये सूदेये था अम्प्रेल्लाबे यरूशलेमने गीलीदे। 11 हम्ब दीन्बरने यहूदीयूदे येशूने मल्न ख्य, मेस्ये “ङू केने ख्यङ्?” यदेबे थमयूदे लोत्दे। 12 मीहुलजे नङ्ने येशूजे पो चीन्न ख्य। कोइदे यदे, “ङू सोरो ज्य ख्यङ्।” कोइदे य ख्य, “दी, अम्बदे मीयूजे म्यात्या छाक्दीन ख्यङ्।” 13 तर यहूदीयूने फदेबे ङूजे बारेने सूदेये केनेक्यूक्को अन्क्यम ख्य। दीन्बरने येशूजे शिक्षा 14 दीन्बरजे अन्द्रताने येशू यहूदीयूजे मन्दिर नङ्ने क्योइदे, मेस्ये शिक्षा पीदे। 15 यहूदीयूदे हार्मन्दीदेबे येरे यदे, “चै पोये अन्लोम्लाबे ङूदे अन्छ्वा ज्ञान केरे प्रेत्दे?” 16 होर्दे येशूदे थमयूने जवाफ पीन्दे, “ङैदे लोम्मेब पो ङैजे दी, तर सूदे ङैने कूल्बीदे हम्बजे ख्यङ्। 17 परमेश्वरजे इच्छा अनुसार काम चेमेब मीयूदे अम्ब शिक्षा परमेश्वर तेलेदे रब ख्यङ् या ङैजे रङ्सेजे शिक्षा ख्यङ्, हम्ब था प्रेक्क्य। 18 रङ्सेजे पो त्या क्यमब मीदे, रङ्सेजे गेसेन् मेल्क्य, तर सूदे रङ्सेने कूल्बेबजे गेसेन् मेल्क्य हम्ब सत्य क्यूक्क्य। मेस्ये ङूप्रे छल्जे पो क्यूस्स्ये त्वो। 19 च मोशादे नमयूने नियम पीन ते? तर नमयू सूदेये हम्ब नियम अम्मन्दी। नमयूदे ङैने चेने सेमे?” 20 मीहुलदे जवाफ पीन्दे, “नने छेत् लादीक ख्यङ्। नने सूदे सेमेदे?” 21 येशूदे थमयूने जवाफ पीन्दे, “ङैदे कामत्या चीत्दे, होर्दे नमयू क्वाने हार्मन्दीदे। 22 मोशादे नमयूने खतना चेब छ्यप् पीने ख्यङ् (येरेक्यूल्लीने अम्ब मोशादे सुरु चेब दी, तर नमयूजे मेमेदे सुरु चेब ख्यङ्), तर आराम टूङब दिननेये नमयूदे पीचयूजे खतना चे ख्यङ्। 23 परमेश्वरदे मोशाने पीनेब नियम अम्मन्दे अन्चीस्स्य यदेबे कादेये कोइ मीदे आराम टूङब दिनने खतना चीक्क्य यलो, ङैदे मीत्याने आराम टूङब दिनने चेलाबे तम् चीम्मीदे यदेबे नमयू च ङैप्रे प्रोलङ औ? 24 त्वा लेत्देबे दी, तर ज्य तर्तीप्दे न्याय ची।” ख्रीष्टजे बारेने मीजे विचार 25 यरूशलेमजे कोइ मीयूदे यदे, “थमयूदे सेमेब मी अम्बने ते? 26 ले-ले, क्वादेने था प्रेल्लाबे अम्बदे क्यम्न ख्यङ्, तर थमयू ङूने चैत्याये अन्-य! अम्ब मी ख्रीष्ट ख्यङ् यब पो धर्म गुरुयूदे तम्दम्ने था प्रेत्दा? 27 अम्ब मी केर्दे रब ख्यङ् यदेबे ङीन क्वादेने था ख्यङ्। तर ख्रीष्ट रब ङू केर्दे रीय यदेबे सूदेये था प्रेस्स्ये त्वो।” 28 होर्दे येशूदे यहूदीयूजे मन्दिरने लोम्मीनूब येशूदे बोङ्बे तलाब के योन्देबे यदे, “नमयूदे ङैने स्येय, मेस्ये ङ केर्दे रदे, हम्बये था ख्यङ्, ङ रङ्सेजे इच्छादे रदी, तर ङैने सूदे कूल्बीदे ङू तम्दम् ख्यङ्। नमयूदे ङूने अन्स्ये, 29 तर ङैदे ङू स्ये ख्यङ्, चेनेयलो ङ ङूदे कूल्बीदेबे रब ख्यङ् मेस्ये ङूदे ङैने कूल्बे ख्यङ्।” 30 अम्ब पो तदेबे थमयूदे ङूने चूङ मेदे, तर सूदेये चूङने अन्खू, चेनेयलो अझ ङूजे बील अन्र ख्य। 31 तर मीहुल नङ्ने कूम मीदे ङूने विश्वास चीत्दे, मेस्ये थमयूदे यदे, कन्छ्वाब ख्रीष्ट रीय, हन्छ्वाब अम्ब मीदे चेब च्यूनूयू यली थेप् च्यूनू ङूदे चीम्मीया स्व?” येशूने चूङ मेब 32 मीहुलदे ङूजे बारेने पो चीन्नब फरिसीयूदे तदे। होर्दे पूस्र्या केन्यू मेस्ये फरिसीयूदे ङू चूङने यरूशलेम मन्दिरजे सीन्त्री टूङब मीयूने कूल्बीदे। 33 येशूदे यदे, “अझ तेदिन ङ नमयूप्रे क्यूक्क्य, होर्देङ्येदे ङैने कूल्बेब ट्याने ङ प्रीय। 34 नमयूदे ङैने मल्क्य, तर तूस्ये त्वो, मेस्ये ङ कम्ब नेने प्रीय, नमयू होने र खूस्ये त्वो।” 35 होर्दे यहूदीयू त्यादे त्याने यदे, “अम्ब मी कने प्र मेदे, मेस्ये ङीनदे ङूने त्व-अन्खू य? अम्ब ग्रीकयूजे अन्द्रदे स्वा-स्वा थर्देबे टूनब यहूदीयू ट्याने प्रदेबे ग्रीकयूने शिक्षा पीनब सेम् चे औ? 36 ‘नमयूदे ङैने मेल्क्य, तर तूस्ये त्वो, मेस्ये केने ङू क्यूक्क्य, नमयू होने र खूस्ये त्वो’ अम्ब च य यी?” 37 जेम्से दीन्बरजे ङ्येजे दिनने, या दीन्बरजे मूख्या दिनने, मेर्देबे येशूदे क्वादेने तलाबे यदे, “कादेये कोइ क्यू फैलो हम्ब ङैट्याने रदेबे थूङ्स्य। 38 धर्मशास्त्रने य प्रने ङै फ्याने विश्वास चेब मीजे सेम्दे जीया पीनब क्यू होङ्यू प्रेनीय।” 39 तर अम्ब पो ङूदे पवित्र आत्माजे बारेने य ख्य, अम्ब पवित्र आत्मा ङू फ्याने विश्वास चेबयूदे प्रे मेल्न ख्य। चेनेयलो पवित्र आत्मा चूजोसेमे अम्पीन्क ख्य, मेस्ये येशूजे महिमा चूजोसेमे अन्क्यूर ख्य। 40 कोइ मीदे अम्ब पो ङ्यीन्देबे यदे, “अम्ब मी तम्दम्ने अगमवक्ता टूङ्।” 41 सूजोयूदे यदे, “ङू ख्रीष्ट ख्यङ्।” तर कोइ कोइदे यदे, “ख्रीष्ट गालीलदे रीया? 42 धर्मशास्त्रने ख्रीष्ट दाऊदजे खलकदे दाऊदजे त बेथलेहेमदे रीय यदेबे लिख्दीयेब तेया?” 43 येर्बे येशूजे कारणदे मीयू अन्द्रदे त्या त्या अन्थून क्यूरी। 44 थमयू नङ्जे कोइदे ङूने चूङ मेदे, तर ङू फ्याने सूदेये चूङने ला अम्पूइ। यहूदी धर्म-गुरूयूदे विश्वास अन्चेब 45 होर्दे मन्दिरजे सीन्त्रीयू केन् पूस्र्यायूमेस्ये फरिसीयू ट्याने रदे। थमयूदे हम्बयूने यदे, “नमयूदे ङूने चेने अन्रे?” 46 सीन्त्रीयूदे जवाफ पीन्दे, “अम्ब मीदेप्र कलङ्बेये सूदेये अन्क्यम्!” 47 फरिसीयूदे हम्बयूने यदे, “नमयूये ङूदे होम्क औ? 48 हुकुम चेबयू या फरिसीयू नङ्जे कोइदे ङू फ्याने विश्वास चे ख्ययीर? 49 तर अम्ब मीहुलदे मोशाजे नियम अन्स्ये, हम्बयूदे श्राप प्रे ख्यङ्।” 50 थमयू नङ्जे निकोदेमस यब मीत्या ख्य, ङू खूम्ने त्याफे येशू ट्याने गीलीक ख्य, ङूदे यदे, 51 ङीनजे मोशाजे नियमदे खूम् मीजे पो अन्ङ्यीन्लाबेने, मेस्ये ङूदे च चीक्क ख्य हम्ब अङ्कोलाबेने ङूने दोष चीक्कब ठहर्दीया स्व? 52 थमयूदे ङूने जवाफ पीन्दे, “नैये गालीलजे औ? धर्मशास्त्र चेलाबे छ्वे, मेस्ये नदे था प्रेक्क्य, गालीलदे अगमवक्ता सूत्याये योङ्रस्ये त्वो।” 53 [होर्दे मीयू क्वाने रङ्से रङ्से कीम्ने गीलीदे। |
Ghale New Testament © Nepal Bible Society, 2011.
Nepal Bible Society