याकूब 5 - घले नयाँ करारफ्योबोयूने बोङ्बे आर्तेब 1 फ्योबोयू, छो ङ्यीनो, नमयूफ्याने पर्दीरब सकस्जे लागि ङू मेस्ये रप् ची। 2 नमयूजे धन-सम्पत्ति रम्ये ख्यङ्, मेस्ये नमयूजे ह्वेब कोलायू मोत्दे चैक ख्यङ्। 3 नमयूजे मर् मेस्ये चाँदी कसदे चैक ख्यङ्, हम्ब च्वोत्देने नमयूजे विरुद्धने गवाही पीन्क्य, मेस्ये प्ल्याङ्नब मीदेप्रने नमयूजे ङ्व ल्याकीय। नमयूदे आखिरी दिनयूजे लागि धन-सम्पत्ति स्वादेबे ये ख्यङ्। 4 नमयूजे रङ्ने बली तोलब काम फर मीयूने पीन पर्तेब मीला नमयूदे अम्पीन ख्यङ्, हम्ब थमयूदे प्रेपर्तेब मेलादेने नमयूजे विरुद्धने पारा प्वे ख्यङ्, मेस्ये हम्ब बली तोलब काम फर मीयूजे बिन्ती स्वर्गने ख्यब सिपाईयूजे परमप्रभुदे तैक ख्यङ्। 5 नमयू अम्ब पृथ्वीने सोरो आनन्दजे जीया चदेबे बेस्से मजा चीत्देबे टूङ ख्यङ्। बलि चेर्तेब दिनजे लागि नमयूदे रङ्सेने चूलाबे चीन्न ख्यङ्। 6 नमयूजे विरुद्ध अन्चेब सोर्तो दोष त्वब मीयूने नमयूदे दोष लैदीदेबे च्योक्से ख्यङ्। सकस्यू पर्दीब धेरेन् क्यूर् 7 येरेक्यूत्देबे अत-अजी-च्योन्यू, प्रभू अन्रदासेमे कूम धेरेन् क्यूत्देबे रेन्। ले, रङ्दे सोरो ज्य बली प्रेब आशा चीत्देबे खेती फरब मीदे खूम्जे मेस्ये ङ्येजे च्वो अन्रता धेरेन् क्यूत्देबे रेन्नीय। 8 नमयूदेये धेरेन् क्यूत्देबे रेन्। रङ्से सेम् केन् ची, चेनेयलो प्रभू रब दिन ट्याराङ्ने फ्योर ख्यङ्। 9 अत-अजी-च्योन्यू, त्यादे त्याजे विरुद्धने गन्गन् अन्चील्लाची, होरेचील्लो नमयू दोष चेब ठर्दीय। ले, न्याय चेबब ख्यो-लनेने मेर्न ख्यङ्। 10 अत-अजी-च्योन्यू, सकस्यू भोक्ती मेस्ये धेरेन् क्यूत्देबे टूङब नमूना कर क्यूर पर्दे यब पो हम्ब प्रभूजे मीन्ने क्यमब अगमवक्तायूने ले। 11 ले, धेरेन् क्यून्नब मीयूने ङी असी प्रेबयू यीय। अय्यूबदे केरे धेरेन् टूङ खूदे यब पो नमयूदे त ख्यङ्, मेस्ये सोरो दया चेब होर्दे सोरो माया चेब प्रभू ख्यङ् यदेबे नमयूदे प्रभूजे इच्छाये तङ ख्यङ्। 12 अत-अजी-च्योन्यू, सूजो पोयू यली पात्ता खूम् स्वर्गजे, पृथ्वीजे या सूजो चैपोजेये कसम अन्चलाची, तर दोष अन्चेब ठर्तेने नमयूदे क्यमब पो “अँ” य पर्तेब पोयूने “अँ” य, मेस्ये “दी” य पर्तेब पोयूने “दी” य। विश्वासजे प्रार्थना 13 च नमयू नङ्ने कोइदे सकस् भोक्तीन औ? ङूदे प्रार्थना चीस्स्य। च कोइब सोरो सूग्न औ? ङूदे परमेश्वरेजे सार्या चेब प्रू पूस्स्य। 14 च नमयू नङ्ने कोइ नव ख्य औ? ङूदे मण्डलीजे एल्डरयूने कोस्य। थमयूदे प्रभूजे मीन्ने हम्बने मूर्गूदे अभिषेक चीत्देबे ङूजे लागि प्रार्थना चीस्स्य, 15 मेस्ये विश्वासजे प्रार्थनादे नव ज्य क्यूक्क्य, प्रभूदे ङूने तम् चीत्देबे लङ्क्य, मेस्ये कादेये ङूदे पाप चीक्क ख्यङ्लीने हम्ब क्षमा क्यूक्क्य। 16 येरेक्यूत्देबे नमयू त्यादे त्याप्रे रङ्से-रङ्सेजे पाप स्वीकार ची। नमयू तम् क्यूरने त्यादे त्याजे लागि प्रार्थना ची। परमेश्वरजे आज्ञा अनुसार जीया चब मीजे प्रार्थना शक्तिशाली मेस्ये सोरो हार्मन्देब काम चेब क्यूक्क्य। 17 एलियाये ङीनजेप्रने स्वभाव ख्यब मी ख्य। ङूदे च्वो अन्रस्य यदेबे परमेश्वरजे डर येत्देबे प्रार्थना चे ख्य, मेस्ये वर्ष सोम् ल-र्वा सेमे पृथ्वीने च्वो अन्र। 18 फेरि ङूदे प्रार्थना चीत्दे, मेस्ये मूदे च्वो केन् रदे, मेस्ये सदे से पीन्दे। 19 अत-अजी च्योन्यू, कादेये परमेश्वरजे सत्य पो पोङ्यीन्देबे नमयू नङ्ने कोइ मी खेदे प्रब, कोइदे हम्ब मीने ल्वारीदे यलो, 20 नमयूने था क्यूस्स्य, पाप चेब कोइ मीत्याने ङू प्रेनब अन्ज्य लम्दे ल्वादेबे सूदे रेक्क्य, हम्ब पाप चेब मीने सीबस्ये अम्पीन्लाबे जूक्तीमीय, मेस्ये ङूजे कूम पापने उप्क्य। |
Ghale New Testament © Nepal Bible Society, 2011.
Nepal Bible Society