हिब्रू 5 - घले नयाँ करार1 मीयू क्वाजे अन्द्रदे पात्ता केन् पूस्र्या सेल्क्य, मेस्ये मीयूजे तर्फदे परमेश्वरने पापजे लागि भेटी मेस्ये बलियू चेर्ते काम चेने खट्तीपीय। 2 हम्ब पात्ता केन् पूस्र्याये कूम पोने कमजोर ख्यब क्यूत्देबे अन्स्येब मेस्ये अन्ज्य लम्तेले गीलेब मीयूप्रे चीद स्यूलूक्कै क्यूत्देबे लोम-तन चेखूइय। 3 येरेक्यूत्देबे मीयूदे चीक्कब पापजे लागित्या दी, तर ङू रङ्सेदे चीक्कब पापजे लागिये बलि पीनजे लागि ङूने कर् लादीय। 4 रङ्सेदे बोङ् चीत्देबे अम्ब पात्ता केन् पूस्र्याजे गेसेन् सू मीदेये प्रेअङ्खू, तर परमेश्वरदे हारूनने क्वप्र हम्ब मीने कोलो त्यामे प्रेखूइय। 5 येर्बे ख्रीष्टदेये पात्ता केन् पूस्र्या क्यूरने रङ्सेदे रङ्सेने केन् अन्ची, तर “न ङैजे च ख्यङ्, ङैदेने दीनी नने जन्मीदीदे” यदेबे यब परमेश्वरदे ङूने पात्ता केन् पूस्र्या चीम्मीदे। 6 धर्मशास्त्रजे सूजो नेनेये ङूदे येरे य ख्यङ्, “मल्कीसेदेकदे प्रेब गज्ज्यप्रने न येतार्जे लागि पूस्र्या क्यूर् ख्यङ्।” 7 येशू ङ्वजे जीयाने क्यूप्प ङूने सीबदेबे सोम्बो चीम्मे ख्वबने ङूदे सोरो सकस् मेस्ये म्यामू तेल्देबे प्रार्थना चीत्दे, होर्दे ङूदे परमेश्वरने सेम् पर्तेब जीया चदेबे आज्ञा मन्देब कारणदे ङूजे प्रार्थना मेस्ये बिन्ती परमेश्वरदे ङ्यीन्दे। 8 ङू परमेश्वरजे च ख्य, होरेक्यूल्ली ङू रङ्सेदे सकस् भोक्तीदेबे आज्ञा मन्देब पो लोम्दे, 9 मेस्ये परमेश्वरदे ङूने सिद्ध चीम्मे ङ्येदे ङूजे आज्ञा मन्देब मीयू क्वाजे लागि येतार्ने क्यून्नब मुक्तिजे मूल ङू क्यूत्दे। 10 मल्कीसेदेकदे प्रेब गज्ज्यप्र पात्ता केन् पूस्र्याजे नेने परमेश्वरदे येशूने सेल्देबे येनख्यङ्। विश्वास अन्चे क्यूप्पने यदेबे बोङ्बे आर्तेब 11 ङीदे अम्बजे बारेने नमयूने य पर्तेब कूम पो ख्यङ्, तर पो कोलाबे चीम्मेने सोरो मूस्कील् ख्यङ्, चेनेयलो नमयू पो क्व अङ्ख्व मीप्र क्यूर ख्यङ्। 12 चेनेयलो अन्छ्वा दिनसेमेब नमयूदे सूजोयूने लोम्मे ख्वब क्यूक्क पर्ते ख्य, तर दीनीसेमेने कोइ मीदे नमयूने पर्मेश्वरजे सुरु-सुरुजे शिक्षायू लोम्मे पर्ते ख्यङ्। नमयूने क्योङ चसे दी, तर ङ्यलम् तूप्न पर्तेब पीचयूप्र ख्यङ्। 13 ङ्यलम्त्या थूङ्देबे जीया चेनब मीब तम्दम् पो मेस्ये लूच्च पो छूर्दे अङ्ख्व क्यूक्क्य, चेनेयलो हम्ब मी पीचप्रने क्यूक्क्य। 14 क्योङ चसेब ता-मीयूजे लागि ख्यङ्। येर मीयूजे दीमागदे येतार्ने ज्यप्रे अन्ज्य छूर्ते ख्वब तालिम प्रेक्कब क्यूक्क्य। |
Ghale New Testament © Nepal Bible Society, 2011.
Nepal Bible Society