हिब्रू 3 - घले नयाँ करारमोशायली येशू थेप् केन् 1 येरेक्यूत्देबे परमेश्वरदे क्वब पवित्र अत-अची च्योन्यू, ङीदे स्वीकार चेब मूल स्यूस्स्या मेस्ये पात्ता केन् पूस्र्या येशूने विचार ची। 2 परमेश्वरजे कीम्ने मोशा भर्पर्ते ख्वब ख्यप्रने, येशूये काम फरने सेल्मेब परमेश्वरजे लागि भर् पर्ते ख्वब ख्य। 3 कीम् यली कीम् थ्याब मीजे थेप् गेसेन् क्यूरप्रने, मोशा यली येशू थेप् गेसेन् प्रेब ठर्तीक ख्यङ्। 4 चेनेयलो कीम्यू क्वाने कोइ या कोइ मीत्यादे थ्यायेब क्यूक्क्य, तर परमेश्वरदेने साप्ता सेयू बन्दीदे। 5 जेम्से ङ्येदे क्यूरब पोजे गवाही पीनने मोशा परमेश्वरजे पूरा कीम्-म्हीतीजे त्वोप्रने भर् पर्ते ख्वब ख्य। 6 तर परमेश्वरजे कीम्ने ख्रीष्टब भर् पर्ते ख्वब च ख्य। कादेये ङीन्जे आशाने ङीन रङ्सेदे चीन्नब भर् मेस्ये आँट पात्ता ङ्येसेमे टेल्नूदेयलो ङीन ङूजे कीम्-म्हीती क्यूक्क्य। विश्वास अन्चेबयूने बोङ्बे आर्तेब 7 येरेक्यूत्देबे पवित्र आत्मादे य ख्यङ्, “दीनी नमयूदे परमेश्वरजे के ङ्यीन्दे यलो, 8 चैये त्वब चनमन नेने जाँच क्यूरब बीलने विरोध चेब दिनने चेप्र रङ्से सेम् कोङ अन्चील्लाची, 9 ङ्यील्लङ् वर्षसेमे ङैदे चेब कामयू तङप्रेल्ली हैयाने नमयूजे मेमेयूदे ङैजे जाँच चीत्दे। 10 येरेक्यूत्देबे ङ हम्ब पुस्ताजे मीयू तङ्देबे छी रदे, मेस्ये यदे, ‘थमयूजे सेम् येतार्ने ङैप्रे चीन्तङ् क्यूर ख्यङ्, ङैदे तनब लम्ने थमयू अम्प्र ख्यङ्।’ 11 येरेक्यूत्देबे ङैने छी रदेबे येर कसम चदे, ‘आनन्द टूङब ङैजे नेने थमयू कलङ्बेये क्योर प्रेस्स्ये त्वो’।” 12 अत-अची च्योन्यू, ज्य होस्स्यार क्यूत्देबे टूङ्, नमयू नङ्ने कोइप्रे ख्यब दुष्ट मेस्ये विश्वास अन्चेब सेम्दे नमयूने सोम्बो पर्मेश्वर ट्यादे चीन्तङ् अन्चीक्कीस्य 13 तर कन्छ्वासेमे, “दीनीजे दिन” यब पो ख्यङ् हन्छ्वासेमे त्यादे-त्याने लोम-तन ची, मेस्ये पापजे छल्दे चीत्देबे नमयू सूजेये सेम् कोङ अन्क्यूस्स्य। 14 कादेये ङीनदे चेब हम्ब खूम्जे विश्वास आखिरीसेमे बोङ्बे चूङ्नूदेयलो, ख्रीष्टदे प्रेब हकने ङीनये सामेल् क्यूर प्रेक्क्य। 15 धर्मशास्त्रदे य ख्यङ्, “दीनीने नमयूदे पर्मेश्वरजे के ङ्यीन्देयलो विरोधजे दिननेप्र रङ्सेजे सेम् कोङ अन्चील्लाची।” 16 पर्मेश्वरजे के ङ्यीन्देबेये विरोध चेबयू सू ख्य? च मोशादे लम् स्योल्देबे मिश्र देशदे फीने योन्डेब मीयू थमयूने तेया? 17 परमेश्वर ङ्यील्लङ् वर्षसेमे सूप्रे छी लङ्दे? चैये त्वब चनमन नेने पाप चीत्देबे सीयेब हम्ब मीयूप्रे छी लङ ते या? 18 परमेश्वरजे आज्ञा अम्मन्देबयूदे ङूजे आनन्द टूङब नेने कलङ्बेये क्योब अम्प्रे यदेबे ङूदे कसम च ते या? 19 येरे थमयूदे विश्वास अन्चेब कारणदे परमेश्वरजे आनन्द टूङब नेने क्योये अम्प्रेब ङीनदे तङ्क्य। |
Ghale New Testament © Nepal Bible Society, 2011.
Nepal Bible Society