२ थेसलोनिकी 3 - घले नयाँ करारप्रार्थनाजे लागि बिन्ती 1 आखिरीने अत-अची च्योन्यू ङीजे लागि प्रार्थना चीम्मी, येरे चील्लो नमयूजे अन्द्रने क्यूरप्र प्रभुजे सूगब खबर छ्योट्टो का-मुलुकने ड्वाङ्गै क्यूप्पदेबे अम्बजे केन् गेसेन् क्यूक्क्य, 2 मेस्ये सोरो खराब होरदे दुष्ट मीयूप्रे ङी जूक्ते खूस्य, चेनेयलो टक्कप्रेने विश्वास अन्क्यूर्। 3 तर प्रभु ब विश्वास चे-ख्वब ख्यङ्। ङूदे नमयूने बोल्यो क्यूस्से पीन्क्य मेस्ये दुष्टदे चैये चे अङ्ख्व चीत्देबे रक्षा चीम्मीय। 4 ङीदे कम्ब पोजे आज्ञा पीन्क्य हम्ब नमयूदे चीन्नने ख्यङ् मेस्ये चीन्नीय मन्देबे नमयूजे बारेने ङीयू प्रभुने भर् पर्तीन ख्यङ्। 5 परमेश्वरजे प्रेम मेस्ये ख्रीष्ट ट्यादे रब सैदीन ख्वब शक्ति क्व खूस्य यदेबे प्रभुदे नमयूने लम् तम्मीस्य। म्यास्सीने बोङ्बे आर्तेब 6 जेम्से अत-अची च्योन्यू, ङीन प्रभु येशू ख्रीष्टजे मीन्ने ङी नमयूने आज्ञा पीन्क्य, ङीयूदे लोम्मीदेबे नमयूदे प्रेब शिक्षा अनुसार अन्चील्लेब म्यास्सी क्यूरब विश्वासीयू ट्यादे आलाक् क्यूत्देबे टूङ्। 7 चेनेयलो ङीयूदे केरे चीत्दे होरप्रने नमयूदे चेपर्देब पो नमयू रङ्सेदेने स्ये ख्यङ्। ङी नमयूप्रे टूङ्ब म्यास्सी अन्क्यूल्लाबे टूङ्दे। 8 ङीदे सूजेये चसे होरेने अन्च। तर नमयू सूनेये क्वी अन्क्यूस्स्य यदेबे ङीदे नो-मून् बेस्से छेम्प्रे चीत्देबे काम फर्दे। 9 सहायता प्रेब ङीजे हक त्वोदेबे दी, तर ङीजे बानी व्यवहार नमयूजे लागि नमूना क्यूस्स्य यदेबे ङीदे होर्बे चीत्दे। 10 नमयूप्रे ख्यङ्ब ङीदे नमयूने अम्ब आज्ञा पीन ख्य, “सूदे काम अम्फर् हम्बदे चसेये अन्चलाचीस्स्य।” 11 चेनेयलो ङीदे त-ख्यङ्, नमयू नङ्जे कोइब म्यास्सी क्यूत्देबे जीया चेन ख्यङ्। थमयू रङ्सेब चै कामये अम्फर्। तर सूजोजे कामने यलो सीत्तीने ला च्वाबीय। 12 जेम्से ङी, प्रभु येशू ख्रीष्टजे मीन्ने येर मीयूने आज्ञा मेस्ये अर्ती पीन्क्य, यी थमयूदे पारा अम्पूल्लाबे रङ्से काम चीस्स्य मेस्ये रङ्से रङ्से लादेने केमेदीदेबे चस्य। 13 अत-अची च्योन्यू, मीजे भलो चेने कलङ्बेये अङ्ख्व अन्क्यूल्लाची। 14 कादेये अम्ब चिट्ठीने ङीदे येयेब पोने सूदेये मन्दे अन्ङ्यीन्दे यलो, हम्ब मीने चेलाबे चीन्तीनू होर्दे हम्बप्रे प्रनेअम्प्रलाची होरदे हम्ब त्वा पर्दे क्यूस्स्य। 15 होरनेयली हम्बयूने शत्रुप्र अम्मन्लाची, तर रङ्सेजे च्योन्नेप्र चीत्देबे बोङ्बे अर्ती। आखिरीजे नमस्कार 16 जेम्से शान्तिजे प्रभु रङ्सेदेने कन्छ्वाबने यली नमयूने येतार्ने शान्ति पीन्स्य। प्रभु नमयू क्वाप्रेने क्यूस्स्य। 17 ङ पावल, ङैजे रङ्से लादेने अम्ब नमस्कार लिख्दीन ख्यङ्। ङैजे चिट्ठीयूजे च्यूनू अम्ब ख्यङ्। होरप्रने ङ लिख्दीन ख्यङ्। 18 ङीनजे प्रभु येशू ख्रीष्टजे अनुग्रह नमयू टक्कप्रेने क्यूस्स्य। |
Ghale New Testament © Nepal Bible Society, 2011.
Nepal Bible Society