१ कोरिन्थी 5 - घले नयाँ करारवेश्य काम चेबने योम्बी 1 नमयूजे नङ्ने वेश्य काम चीन्नब मी ख्यङ् यब पो पक्कने तैक-ख्यङ्, यहूदीदेब मीयूजे अन्द्रनेये येर वेश्य काम अन्क्यूर्। नमयू नङ्ने कोइ मीत्यादे रङ्से आसे-मने मज चीत्देबे येन ख्यङ्-योन्। 2 नमयूब केरे त्वे खूइय? नमयूदेब सूर्त चेपर्दे तेया? येर काम चेबयूने नमयूजे नङ्दे योम्बी। 3 ङैजे ङ्व नमयू ख्यनेदे चीन्तङ् ख्यङ्लीने आत्मानेब ङ नमयूप्रेने ख्यङ्। ङ नमयू ट्याने ख्यप्रने येर काम चेब मीजे न्याय ङैदे चीक्क जेन ख्यङ्। 4 कन्छ्वाब नमयू ङीनजे प्रभु येशूजे मीनने फूङ् क्यूक्क्य, हन्छ्वाब ङैजे आत्मा नमयूप्रेने क्यूक्क्य, होरदे ङीनजे प्रभु येशूजे शक्ति हम्ब नेने क्यूक्क्य, 5 हम्ब मीजे पाप चेब स्वभाव नाश क्यूप्पस्य यदेबे हम्ब मीने शैतानजे लाने पीम्पी, मेस्ये प्रभुजे न्याय चेब दिन रब हम्बजे आत्माब बच्दीस्य। 6 नमयू केन् त्वेब ज्य दी। क्यङ् बूलाबे चेब छीत्यात्या खमिरदे टक्क ता छ्योङ्बने पूलाबे चीप्पीय यब पो नमयूने था त्वा? 7 पूलाबे चेब ङीङ् खमिरने हम्ब ता छ्योङ्बदे फीने योन् मेस्ये हम्ब खमिर त्वब ता छ्योङ्बप्र नमयू क्यूक्क्य। नमयू पक्कने खमिर अम्प्वेब ता छ्योङ्बप्र ख्यङ्। ङीनजे निस्तर-दीन्बरने बलि क्यूर पर्देब ल्वाजे प, ख्रीष्टजे बलि क्यूरे जेङ्क ख्यङ्। 8 येरेक्यूत्देबे अन्ज्य काम मेस्ये दुष्टजे ङीङ् खमिरदे दी, तर दोष त्वब मेस्ये तम्दम्जे खमिर अम्प्वेब क्यङ्दे ङीन दीनबर मन्दीदे। 9 वेश्य काम चेब मीयूप्रे नमयू ख्योन् अन्क्यूर्लाची यदेबे ङैदे ङैजे चिट्ठीने लिख्दीये ख्य। 10 हम्बजे अर्थ, अम्ब संसारजे वेश्य काम चेबयू, लोभ चेबयू, या लूर्तेबयू या मूर्तिने पूस्तेबयूप्रे ख्योन् क्यूरने अन्क्यूल्लाची यब दी, नत्र यलो नमयू संसारदे फीने योङ्ब पर्दे ख्यङ्दे। 11 तर येर मीजे ख्योन् क्यूरने अन्क्यूल्लाची यदेबे ङैदे नमयूने लिख्दीदे, येर मीदे रङ्सेने विश्वास चेब च्योन् न यदेबे यीय, तर ङू पक्क रूप्ने वेश्य काम चेब, लोभ चेब, मूर्तिने पूस्तेब, बदनाम चेब, चीदे स्य्वब, लूर्तेब मी ख्यङ्। होर मीप्रेब प्रेटूङ्देबे चसेये अन्चलाची। 12 चेनेयलो फीजे मीयूजे न्याय चेब काम ङैजे दी। तर मण्डली नङ्जे मीयूजे लागि नमयूदे न्याय चेपर्दे तेया? 13 फीमीयूजे न्याय परमेश्वरदेने चीक्क्य। “नमयूजे रङ्से अन्द्रने ख्यब दुष्ट मीने योम्बी।” |
Ghale New Testament © Nepal Bible Society, 2011.
Nepal Bible Society