Tshenolo 22 - Baasraak Sotho NT

Tshenolo 22

¹ La mpontsha noka e hlwekileng ya metsi a bophelo, e benyang jwaloka lehakwe, e tswang teroneng ya Modimo le ya Konyana.

² Mahareng a lepatlelo la wona, le mose o kwano ho noka, ho ne ho le sefate sa bophelo, se behang mefuta e leshome le metso e mmedi, se behang ditholwana tsa sona kgwedi le kgwedi; lichaba.

³ Ha ho sa tla hlola ho eba le thohako, empa terone ya Modimo le ya Konyana e tla ba ho wona; mme bahlanka ba hae ba tla mo sebeletsa;

⁴ Ba tla bona sefahleho sa hae; mme lebitso la hae le tla ba diphatleng tsa bona.

⁵ Mme ha ho sa tla hlola ho eba bosiu teng; mme ha ba hloke lebone, leha e le lesedi la letsatsi; hobane Morena Modimo o ba bonesetsa: mme ba tla busa kamehla le mehla.

⁶ Yaba o re ho nna: Ditaba tsena di a tshepeha, ke tsa nnete;

⁷ Bona, ke tla kapele: ho lehlohonolo ya bolokang dipolelo tsa boporofeta ba buka ena.

⁸ Nna Johanne ke bone taba tseo, ya di utlwang. Eitse hobane ke utlwe, ke bone, ka itihela fatshe ho kgumama pela maoto a lengeloi le mpontshang taba tseo.

⁹ Yaba o re ho nna: O se ke wa etsa jwalo, hobane ke mohlanka mmoho le wena, le wa banabeno ba baporofeta, le wa ba bolokang dipolelo tsa buka ena;

¹⁰ A re ho nna: O se ke wa kwahela dipolelo tsa boporofeta ba buka ena, hobane nako e se e le haufi.

¹¹ Ya sa lokang a a nne a etse tse sa lokang, ya ditshila a nne a itshilafatse, ya lokileng a nne a etse ho loka, le ya halalelang a nne a halalele.

¹² Mme bona, ke tla kapele; mme moputso wa ka o ho nna, ho putsa e mong le e mong kamoo mosebetsi wa hae o tla ba kateng.

¹³ Ke ’na Alfa le Omega, qalo le qetello, oa pele le oa morao.

¹⁴ Ho lehlohonolo ba etsang melao ya wona, hore ba tle ba be le tokelo ya ho ja sefate sa bophelo, le ho kena motseng ka dikgoro.

¹⁵ Ka ntle ho na le dintja, le baloi, le dihlola, le babolai, le ba rapelang medimo ya bohata, le mang kapa mang ya ratang leshano le a le etsang.

¹⁶ Nna, Jesu, ke romile lengeloi la ka ho le pakela taba tseo hara dikereke. Ke ’na motso le leloko la Davida, naleli e khanyang ea meso.

¹⁷ Mme Moya le monyaduwa ba re: Tlo! Mme ya utlwang a re: Tlo! Le ya nyorilweng a a tle. Mme ya ratang, a nke feela metsi a bophelo.

¹⁸ Hobane ke pakela e mong le e mong ya utlwang dipolelo tsa boporofeta ba buka ena, ke re: Ekare ha motho a ka di ekeletsa, Modimo o tla mo ekeletsa ka dikotsi tse ngodilweng bukeng ena.

¹⁹ Mme ekare ha motho a ka tlosa mantswe a buka ya boporofeta boo, Modimo o tla tlosa kabelo ya hae bukeng ya bophelo, le motseng o halalelang, le ho tse ngodilweng bukeng ena.

²⁰ Ya pakang taba tseo o re: Ruri, ke tla kapele. Amen. Leha ho le jwalo, tloo, Morena Jesu.

²¹ Mohau wa Morena wa rona Jesu Kreste o be le lona bohle. Amen.