Luka 23 - Baasraak Sotho NT

Luka 23

¹ Yaba bongata bohle ba bona ba ema, ba mo isa ho Pilato.

² Ba qala ho mo qosa, ba re: Re fumane monna enwa a kgelosa setjhaba, a hanela ho ntshetsa Sesare lekgetho, a re, yena ke Kreste, morena.

³ Pilato a mmotsa, a re: Na o morena wa Bajuda na? A mo araba, a re: Ke wena o boletseng.

⁴ Pilato a re ho baprista ba baholo le ho bongata: Ha ke fumane molato ho monna enwa.

⁵ Mme ba eketsa ka matla, ba re: O ferekanya batho, a ruta Judea yohle, a qala Galelea ho fihlela mona.

⁶ Pilato ha a utlwa tsa Galelea, a botsa hore na motho eo ke Mogalelea.

⁷ Yare ha a tseba hore ke wa mmuso wa Heroda, a mo romela ho Heroda, eo le yena a neng a le Jerusalema mehleng eo.

⁸ Eitse Heroda ha a bona Jesu, a thaba haholo; mme o ne a tshepile ho bona mohlolo o mong o etswa ke yena.

⁹ A mmotsa ka mantswe a mangata; empa a se ke a mo araba letho.

¹⁰ Baprista ba baholo le bangodi ba ema, ba mo qosa ka matla.

¹¹ Yaba Heroda le bahlabani ba hae ba mo nyedisa, ba mo soma, ba mo apesa seaparo se setle, mme ba mo kgutlisetsa ho Pilato.

¹² Ka lona letsatsi leo Pilato le Heroda ba etswa metswalle;

¹³ Pilato a bokella baprista ba baholo le babusi le setjhaba.

¹⁴ A re ho bona: Le tlisitse monna enwa ho nna, jwaloka hoja le kgelosa setjhaba;

¹⁵ Che, leha e le Heroda, hobane ke le rometse ho eena; mme bonang, ha a etsetswa letho le tshwanelang lefu.

¹⁶ Ke moo ke tla mo shapa, ke mo lokolle.

¹⁷ (Hobane e ka kgona a ba lokollele e mong ka mokete.)

¹⁸ Ba howa kaofela, ba re: Tlosa monna enwa, o re lokollele Barabase.

¹⁹ (Ke yena ya kentsweng teronkong ka baka la moferefere o itseng o bileng teng motseng, le ka baka la polao.)

²⁰ Pilato a boela a bua le bona, kaha a rata ho lokolla Jesu.

²¹ Empa ba howa, ba re: Mo thakgise, mo thakgise!

²² A re ho bona kgetlo la boraro: Hobaneng, o entse bobe bofe? Ha kea fumana molato oa lefu ho eena;

²³ Yaba ba tiisa ka mantswe a phahameng, ba kopa hore a thakgiswe. Mme mantswe a bona le a baprista ba baholo a hlola.

²⁴ Pilato a ahlola hore ho etswe kamoo ba batlang kateng.

²⁵ A ba lokollela eo ba neng ba mo kopa ka baka la moferefere le polao; empa a nehelana ka Jesu ho etsa thato ya bona.

²⁶ Yare ha ba mo isa, ba tshwara monna e mong ya bitswang Simone wa Cyrene, ya neng a etswa naheng, ba mo jarisa sefapano, hore a se jare kamora Jesu.

²⁷ Mme bongata bo boholo ba batho ba mo latela, le basadi ba neng ba ntse ba lla, ba mo llela.

²⁸ Jesu a retelehela ho bona, a re: Baradi ba Jerusalema, le se ke la ntelela, le mpe le llele lona, le bana ba lona.

²⁹ Hobane bonang, ho tla matsatsi ao ka wona ho tla thwe: Ho lehlohonolo dinyopa, le dipopelo tse sa kang tsa tswala, le matswele a sa kang a anya.

³⁰ Foo ba tla qala ho re ho dithaba: Re weleng; le ho maralla: Re koahele.

³¹ Hobane ha ba etsa tsena sefateng se setala, ho tla etswa jwang ho se omileng?

³² Hape, ha isa disenyi tse ding tse pedi le yena, ho ya bolawa.

³³ Eitse ha ba fihla nqalong e bitswang Kalvari, ba mo thakgisa teng, le disenyi tseo, se seng ka ho le letona, se seng ka ho le letshehadi.

³⁴ Jesu a re: Ntate, ba tshwarele; hobane ha ba tsebe seo ba se etsang. Mme ba arolelana diaparo tsa hae, mme ba lahla lotho.

³⁵ Mme batho ba ema ba tadimile. Babusi le bona ba mo soma, ba re: O pholositse ba bang; a ipholose, haeba e le Kreste, mokgethwa wa Modimo.

³⁶ Bahlabani le bona ba mo soma, ba tla ho yena, ba mo nea asene.

³⁷ ba re: Ha o le morena wa Bajuda, ipholose.

³⁸ Hape, ho ne ho ngodilwe lengolo hodima hae ka ditlhaku tsa Segerike, le Selatine, le Seheberu, se reng: ENO KE KGOSI YA BAJUDA.

³⁹ E mong wa disenyi tse fanyehilweng a mo nyefola, a re: Ha o le Kreste, ipholose, o re pholose.

⁴⁰ E mong a araba, a mo kgalemela, a re: Na wena ha o tshabe Modimo, haele moo o tsuong yona eo na?

⁴¹ Mme rona ruri, ka ho loka; gonne rona re amogela se se tshwanetseng ditiro tsa rona;

⁴² A re ho Jesu: Morena, o nkgopole ha o kena mmusong wa hao.

⁴³ Jesu a re ho yena: Kannete ke re ho wena: Kajeno o tla ba le nna Paradeiseng.

⁴⁴ E ne e ka ba hora ya botshelela, mme lefifi la aparela lefatshe lohle, ho fihlela hora ya boroba mono o le mong.

⁴⁵ Letsatsi la fifala, le lesira la tempele la taboha ka lehare.

⁴⁶ Eitse hobane Jesu a hoeletse ka lentswe le phahameng, a re: Ntate, ke neela moya wa ka matsohong a hao.

⁴⁷ Yare ha molaodi wa lekgolo a bona se etsahetseng, a tlotlisa Modimo, a re: Ruri, motho eo e ne e le ya lokileng.

⁴⁸ Mme bongata bohle bo neng bo bokane ho tla bona pono eo, ha bo bona tse etsahetseng, ba ntoo kgutla ka ho iteta difuba.

⁴⁹ Mme ba ba mo itseng botlhe, le basadi ba ba mo setseng morago go tswa kwa Galelea, ba ne ba eme ba le kgakala, ba lebile dilo tse.

⁵⁰ Jwale, bonang, ho ne ho le monna ya bitswang Josefa, monna wa lekgotla; mme e ne e le monna ya molemo, ya lokileng.

⁵¹ Yena o ne a sa dumellane le morero le ketso ya bona; e ne e le wa Arimathea, motse wa Bajuda, eo le yena a neng a letetse mmuso wa Modimo.

⁵² Monna eo a ya ho Pilato, a kopa setopo sa Jesu.

⁵³ A o folosa, a o phuthela ka lene, a o bea lebitleng le betlilweng lefikeng, leo ho seng motho ya kileng a bewa ho lona.

⁵⁴ E ne e le letsatsi la tlhophiso, mme Sabatha e ne e atamela.

⁵⁵ Le basadi ba neng ba tlile le yena ha ba etswa Galelea, ba latela, ba bona lebitla, le kamoo setopo sa hae se beilweng kateng.

⁵⁶ Yaba ba kgutla, ba lokisa dinoko le ditlolo; mme ba phomola ka tsatsi la Sabatha ho ya ka taelo.