याकूब 4 - सोरियाली नय्या नियम

संसारा का दगाड़ा मित्रता

¹ तुमून में हुन वाला लड़ाई और झगाड़ा काँ भटे उनान? यो उन बुरी इच्छान ले उनान जो तुमार भितर लड़नान।

² तुम इच्छा राखछा, लेकिन तुमून मिलूनो नै; येक कारण तुम खून करून खिन तैयार रूछा, और दुसरान की चीजून को लालच करछा, लेकिन इसो करना ले तुमून के नै मिलूनो; येक कारण तुम लड़छा और झगड़छा। तुमून येक कारण नै मिलूनो, कि तुम परमेश्वर थैं नै माँगना।

³ फिरले तुमून नै मिलूनो, क्याखिनकि तुम बुरी इच्छा ले माँगछा, ताकि तुम ऊस अपून शोक स पुरो करून खिन उड़ा दीछा।

⁴ हे विश्वासघाती लोगो, क्या तुम नै जाणना, कि संसारे की चीजून भटे मित्रता करून परमेश्वर भटे बैर करून छै? येक कारण जो कोई संसारो को मित्र हुन चाछो, उ अपून परमेश्वरो को बैरी बनछो।

⁵ तुम कि समझछा, कि पवित्रशास्त्र में जो लिखीना को छै उ बेकार छै? कि “जेले पवित्र आत्म स हमार भितर दीछ, उ परमेश्वर चाछो कि हम केवल उकी अराधना करा।”

⁶ लेकिन परमेश्वर हमून बुरी इच्छानक खिलाफ लड़ून खिन और ज्यादा अनुग्रह दीछो; येक कारण पवित्रशास्त्र में लिखीना को छै, “परमेश्वर घमंडीन भटे विरोध करछो, लेकिन दीन लोगून में दया करछो।”

⁷ येक कारण परमेश्वरा का अधीन हो जा; और शैतानो को सामना करा, तो उ तुमार पास भटे भाग जालो।

⁸ परमेश्वरा का नजिक आ, त उले तुमारा नजिक आलो। हे पापियों, अपून जीवन स पापून भटे दूर राँखा। और ये दुगला लोगो अपून दिल पवित्र करा।

⁹ अपून पापून का कारण दुखी हो, और शोक करा, और रोआ, तुमेरि हसी शोक में और तुमोरो आनन्द उदासी में बदल जौ।

¹⁰ प्रभुक सामुनि दीन बना, त उ तुमोरो आदर करोलो।

भाईन में दोष लगूनो

¹¹ हे प्रेमा दगड़ियो, एक दुसरा की बदनामी जन करा। और जो अपून भाई बदनामी करछो, और उमें दोष लगूछो। अगर तैं नियम-कानून की निन्दा करछै, त तैं नियम-कानून को पालन नै करनै, बल्कि तैं उमें दोष लगूछै जसकैं तैं नियम-कानून को न्याय करून वालो ठैहराछ।

¹² नियम-कानूनक दिनवालो और न्याय करून वालो त सिर्फ परमेश्वरै छै, जैमें बचूना की और नाश करून में सामर्थ्यी छै। लेकिन तैं को छै, जो अपून पड़ोसी में दोष लगूछै?

घमण्डक खिलाफ चेतावनी

¹³ तुम जो यो कुँछा, “आज या भोल हम कोई और नगर में जाभेरन वाँ एक साल बितुला और ब्यापार करभेरन फैदा उठुला।”

¹⁴ लेकिन तुम यो नै जाणना की भोल की होलो। सुण त ली, तुमोरो जीवन छै कि? तुम त माना भापाका नियाती छा, जो थ्वाड़ा देर दिखाई दीछी फिर गायब हो जाछी।

¹⁵ येक कारण तुमून यो करून चैछो, “अगर प्रभु चाछो त हम ज्यून रूला, और यो या उ काम ले करला।”

¹⁶ लेकिन तुम अपूनी बनाईना की योजना में घमण्ड करछा। इसो सब घमण्ड बुरो हुछो।

¹⁷ येक कारण जो कोई भलाई करून जाणछो और नै करूनो, उखिन यो पाप छै।