इब्रानियों 1 - सोरियाली नय्या नियम

परमेश्वरो को बचन च्याला का द्वारा

¹ पैलि युग में परमेश्वरले भौत बार और कई तरीका ले हमार पूर्वजून थैं परमेश्वरो को संदेश दिनवालान का द्वारा बात करछ्य।

² लेकिन इन आखरी दिनून में हमूनथैं अपून च्याला का द्वारा बात कर्यान। परमेश्वरेले अपून च्याला द्वारा पुरी संसार बनाछ और ऊस सब चीजून को वारिस ठैहराछ।

³ च्योलोई परमेश्वरे की महिमाको उज्यालो छै, और उ हर तरीका ले परमेश्वरो को जसो छै। अपून शक्तिशाली बचनून का द्वारा, उ सबै स जो बनाई ग्योछ बनिना को रून खिन मद्दत करछो। उले लोगून उनार पापून भटे शुद्ध करछ्य, और येक बाद स्वर्ग में महिमामय परमेश्वरा का दैन तरफ जाभेरन बैठ छै।

⁴ येक कारण परमेश्वरे ले च्याला स एक इसो नाम दीछ, जो स्वर्गदूतून है ले महान छै, जैका द्वारा हम देख पानू कि च्योलो उनून है कई ज्यादा महान छै।

परमेश्वरा का च्याला की महिमा

⁵ पवित्रशास्त्र में परमेश्वरे ले अपून कोई ले स्वर्गदूत थैं इसो नै क्यो, “तै म्येरो च्योलो छै; और आज मैं यो प्रकट करछूँ, कि तै म्येरो च्योलो छै।” फिर, उले इसो अपून कोई ले स्वर्गदूत थैं नै क्यो, “मैं उको पिता बनूलो, और उ म्येरो च्योलो होलो।”

⁶ फिर परमेश्वर अपून प्रिय च्याला स संसार में भेजभेरन कुंछो, “परमेश्वरा का सब स्वर्गदूत उकी अराधना करून।”

⁷ और स्वर्गदूतून का बारिमें यो कुंछो, “परमेश्वर अपून स्वर्गदूतून हवाक नियाती बना दीछो, और अपून सेवकून धधकीना का आगा की नियाती बनूछो।”

⁸ लेकिन च्याला का बारिमें कुंछो, “हे परमेश्वर, तैं हमेशा-हमेशा खिन राजा का नियाती राज्य करले। उ अपून राज्य का मलिमें न्याय ले राज्य करछो।

⁹ तै भल कामून है प्रेम और बुरा कामून है बैर राखछै; येक कारण मैं, त्यारा परमेश्वर ले, तैंस चुन रैछ और त्यारा सब दगड़ियान है ज्यादा तैंस आदर और आनन्द दी रैछ।”

¹⁰ और पवित्रशास्त्र यो ले कुंछो; “हे प्रभु, शुरू में तैंले धरती स बनाछ, और तैले उ सब कुछ बनाछ जो आकाश में छै।

¹¹ उन त नाश हो जाला; लेकिन तै हमेशा बनिना को रोले; और उन सब कपड़ान की नियाती पुराना हो जाला।

¹² और तै उनून चादर की नियाती लपेटी लेलै, और उन कपड़ान का नियाती बदल जाला; लेकिन तै नी बदलले, और तै हमेशा ज्यूनो रौले।”

¹³ परमेश्वरे ले अपून कोई ले स्वर्गदूत थैं यो कभै नै क्यो: “तै म्यारा दैन तरफ बैठ, जब तक मैं त्यारा दुश्मनून पुरी तरीका ले त्यारा अधीन नै कर दीयू।”

¹⁴ तब, स्वर्गदूतून को हुना को कि मक्शद छै? स्वर्गदूत उन छन जो परमेश्वर की सेवा करनान; और परमेश्वर उनून उन लोगून की देखभाल करून खिन भेजछो जो उद्धार पान वाला छन।