II Yoannes 1 - SOMA CHHAD - CHHAMBO

¹ Chhimi-i rollana de salepheskhan chocho Kirya nang khoe buthsauni mingika, ngas khonga mantaḵẖsika rgaluks jaqed, yang ngas tsa men dobasang mantaḵẖspo sheskhan saqisang (jaqed).

² Ngantiang jukse yodkhan yang ngantang na nyambo mana rshtane jukcha yodkhan mantaḵẖsi phya (jaqed).

³ Ata inkhan Ashipa yang Ati Rshraspo Ashipa Yeshu Masihi rollana shazdeo nang zdikpa thsorbao nang zomlukspo mantaḵẖsika nargrgaluksika ngantang na nyambo lusuk.

⁴ Nga yenti buthsa khachik ngacha ati rollana thobskhan de molchao nazomse mantaḵẖsika drulen thongse nga mangmo thad.

⁵ Yang dare, la [chocho] Kirya, ngas yeranga chang soma skalchashik tangmamed dobasang dyana ryaḵẖsiangna nganti der yodkhanpo yeranga ju namsi base zbrid ngantes ngantang chikchiga rgaluks jaqpa rgosuk.

⁶ Yang khos skalskhanunika drulchao rgaluks in; dyu Yentanga ryaḵẖsiangna goskhan skalskhanpo in, yang Yentanga dika drulba rgosuk.

⁷ Chiazerbana miyuliang ḏinḏa lamstorla tangkhan mangmo bingsed khongunis Yeshu Masih mi-i rgoe zesteang skyodpaola men zere zerkhanun in; lamstorla tangkhan yang Masihi loqpar yodkhan dyanao in.

⁸ Rangi luksiang yentes phingskhan narpaun skyal miskyalbi phya, dobasang khyentanga zde gangse thobi phya sngangachan dukshik.

⁹ Gasu snanla bingse chhakhan, yang Masihi ltsabzoeka rshtane midukkhani der Ashipa med; yang Masihi ltsabzoeka rshtane dukkhanpoe der Atâng yang Rshrasang yod.

¹⁰ Taqdir su khyenti der yongsena, di ltsabzo hago machuksna in hana khoa khangmâ yongmachukshik! Hana khoa ju mabashik!

¹¹ Chiazerbana gasus ḏinḏa mia ju basna kho khoe rtsoqpo lasuniang kho na chhed.

¹² Ngâ khyentanga tam mangmo zbricha yod amma shoqshoq nang rtsi-ika zbria thadpa med, dobasang Yenti shitia yongse yang rdong ganga langse spera tangohi rdyangma jaqed dekana nganti thadkha gangrgya chhok.

¹³ Yeri salepheskhan nomoe buthsaunis Yeranga ju zered. [AMEN] [Yoannesi nyisi resi shugû]