III Yoannes 1 - SOMA CHHAD - CHHAMBO

¹ Nga, chhimi-i rollana ngas Mantaḵẖsi rgaluks jaqkhan Gayusi mingtaḵẖsika.

² Wa rinchan, ngas khyerang khyeri stroqiluksiang phelen yodpao na tsoḵẖspo e chiuniang phelshik yang nanmed lushik zere laqpa zuned.

³ Chiazerbana phonoun yongse khyerang mana mantaḵẖsika drulkhan khyeri mantaḵẖsi lukspe chhebji phespana nga mana mangmo thad.

⁴ Ngâ ngari buthsaun Mantaḵẖsika drulen gochao basang yang chhô thadkhek med.

⁵ Wa, rinchan, khyeres phonoun nanyambo yang janmi phonouni phya bachasun rdyangchanika bed.

⁶ Khongis grikskhorpauni dunla khyeri rgaluksi chhebji phespin; khyeres khonga Ashipas salskhan tsoḵẖs base byormoeka khongi besi gyaqs tangna rgyala chhok.

⁷ Chiazerbana khong de [Yeshui] mingtaḵẖsi phya bingsod yang janmi mithsirunikana chang lenma med.

⁸ Chiazerbana ngantang mantaḵẖsi phya khong nanyambo ltaluks bakhan chhok zere di tsoḵẖsun ḏonpo ba rgosha song.

⁹ Ngas grikskhorla dyanda kaṯo zbrispin amma khonguniang chnopo rchoa thadkhan Dyotrephus ngantang Yongchukpaminduk.

¹⁰ Dephya taqdir nga yongna ni khos ben yodkhan nganpi lasun yang do na drese nganti loqparla nganpi tamun ituk phingnuk yang dyûnika choqbos base khoresang phonoun ḏonpo bamed yang ḏonpo ba thadkhanunla mabos zere skaled yang grikskhorpeangna phingse tanged.

¹¹ Wa rinchan! Rtsoqpoeluksi men dobasang noroeluksi rshpe bos; rgyala lasbakhan Ashipi derna in, amma rtsoqpo bakhanpo Ashipa mathongkhan in.

¹² Demetriusi luksiang saqis yang mantaḵẖspo khores rgyala chhebjî phed yang ngachasang chhebji phed; yang khyeranga ngachas phechao mantaḵẖs in zere rshtaḵẖspa yod.

¹³ Nga khyeranga zbricha na mangmo yodpin amma rtsi nang snyugu khyeranga zbria thadpamed.

¹⁴ Amma khyerang na gyoqspa thukpi rdyang yod, yang ngantes rdonga spera tangnuk.

¹⁵ Khyeranga zomluks thoben dukshik, diri rgakhanunis khyeranĝa ju zered; khyeres deri rgakhanunla rere nang rere mingtaḵẖs phese ju zer. [Michiga tangskhan Yoannesi Sumi Resi Shugu]