SABUURRADA 130 - Kitaabka Quduuska Ah

Gabayga meelokoridda.

¹ Rabbiyow, waxaan kaaga qayshaday moolalka.

² Sayidow, codkayga maqal, Oo dhegahaagu ha noqdeen kuwo u digtoon Codka baryootankayga.

³ Rabbiyow, haddaad dembiyada u fiirsatid, Bal yaa istaagi doona, Sayidow?

⁴ Laakiinse waxaa kula jirta dembidhaafid, In adiga lagaa cabsado daraaddeed.

⁵ Waxaan sugaa Rabbiga, Naftayduna way sugtaa, oo eraygiisa ayaan rajo ku qabaa.

⁶ Naftaydu waxay Sayidka u dhawrtaa In ka sii badan sida waardiyuhu u dhawro waaga berigiisa, Haah, in ka sii badan sida waardiyuhu u dhawro waaga berigiisa.

⁷ Reer binu Israa'iilow, Rabbiga rajo ku qaba, Waayo, Rabbigu wuxuu leeyahay naxariis Iyo weliba furasho aad iyo aad u badan.

⁸ Oo wuxuu reer binu Israa'iil ka soo furan doonaa Dembiyadooda oo dhan.