SABUURRADA 100 - Kitaabka Quduuska Ah

Kanu waa sabuur mahadnaqid ah.

¹ Inta dhulka deggan oo dhammay, Rabbiga farxad ugu qayliya.

² Rabbiga farxad ugu adeega, Oo hortiisa gabay la kaalaya.

³ Ogaada in Rabbigu Ilaah yahay, Waxaa ina sameeyey isaga, oo waxaynu nahay kuwiisii, Waxaynu nahay dadkiisii iyo idihii daaqsintiisa.

⁴ Irdihiisa mahadnaqid la gala, Barxadihiisana ammaan. Isaga u mahadnaqa, oo magiciisa ammaana.

⁵ Waayo, Rabbigu waa wanaagsan yahay, naxariistiisuna weligeed way sii waartaa, Aaminnimadiisuna tan iyo ka ab ka ab.