Zabbuli 93 - Baibuli Ekibono kya Katonda 2014

Katonda ni Kyabazinga afuga ebintu byonabyona

¹ Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

² Wo Musengwa Katonda, okuva eira n'eira ekityamo kyo eky'obwakyabazinga kigumu begulugulu, era iwe oligho lubeerera.

³ Wo Musengwa Katonda, omwidhuzo gw'amaadhi gusitwike n'empiriito, geefuukuula era gaayira.

⁴ Musengwa Katonda wa maani, azira kimusinga! Wa maani okusinga empiriito ey'amaadhi amangi, era wa maani okusinga okwefuukuula okw'enhandha okw'amaani.

⁵ Wo Musengwa Katonda, amateeka go geesigika era bwenebwene esinzizo lyo itukuvu ebyanda n'ebyanda.