Zabbuli 8 - Baibuli Ekibono kya Katonda 2014

Ekitiisa kya Katonda kiba kitiisa kya muntu

¹ Wo Musengwa Katonda waife, eriina lyo nga ikulu inho mu nsi yoonayoona! Ekitiisa kyo ekiswikirira eigulu lyonalyona,

² kisaakibwa ku minwa egy'abaana abato n'abo abayonka. Wataagho ekimante olw'abo abakola by'otayenda, okulobera abakulwanisa, n'abenda okulwana enzigu.

³ Bweningirira eigulu lye wakola n'engalo dho, ni mbona omwezi ni muunienie bye wataagho,

⁴ nkoba nti: Omuntu katyo ni ki, iwe okumudhuuba; era omwana w'omuntu ni ki iwe okumulumirwa?

⁵ Aye ate nga wamukola ng'abulaku katono okuba nga Katonda, waamuvaaza engule ey'ekitiisa era waamugha okutiibwa.

⁶ Wamugha okufuga ebintu byonabyona bye wakola. Ebintu byonabyona waabita mu buyinza bwe,

⁷ entaama n'ente, n'ensolo dhoonadhoona edhiba mu nsiko,

⁸ enhonhi, n'ebyenhandha, ni byonabyona ebyagaanibwa mu maadhi.

⁹ Wo Musengwa Katonda waife, eriina lyo nga ikulu inho mu nsi yoonayoona!