Zabbuli 70 - Baibuli Ekibono kya Katonda 2014

Okusaba kw'omuntu adaazibwadaazibwa

¹ Wo Katonda mponia. Wo Musengwa Katonda yangughaku ombeere.

² Abo abenda okundhita baswaze era basoberwe. Abo abenda okuunumya bairirizeeyo era banhoomebwe.

³ Abo abansungiriza baleetere okwezinduka, olw'okubona nga baswaziibwa.

⁴ Abo boonaboona abeefubiriza okwidha y'oli, basagambe era basangaale olw'ebyo by'obakolera. Abo abeegomba obulokozi bwo buliidho ka bakobenga bati: “Katonda mukologho!”

⁵ Aye nze ndi munaku era omwavu. Wo Musengwa Katonda, niiwe ombeera era n'ontoola mu bizibu, yangughaku ombeere!