Zabbuli 67 - Baibuli Ekibono kya Katonda 2014

Olwembo olw'okusiima Katonda

¹ Wo Katonda waife, tugemerwe ekivunika, otughe enkabi; tulingeku n'amaiso ag'ekisa.

² Olwo ensi yoonayoona emanhe ebyo by'oyenda; amaghanga goonagoona gamanhe amaani go agawonia.

³ Imwe abantu mwenamwena musaake Katonda; mwenamwena mumusaake.

⁴ Imwe amaghanga mwenamwena musangaale era mwembe olw'eisanhu, kuba Katonda asalira abantu emisango ng'aziramu kyekubira, era yaafuga amaghanga goonagoona ag'oku nsi.

⁵ Imwe abantu mwenamwena musaake Katonda; mwenamwena mumusaake.

⁶ Ebirime bibaze inho ku nsi. Katonda, oyo Katonda waife, atughaire enkabi.

⁷ Katonda atughaire enkabi; ensi yoonayoona k'emutye okuva y'eva okutuuka y'ekanga.