Zabbuli 61 - Baibuli Ekibono kya Katonda 2014

Okusaba kw'omuntu ali eghala n'ewaibwe

¹ Wo Katonda wange, wulira okulira kwange; owulirise ni bye ndi kukusaba.

² Ndi kukwetera eno eghala ng'omwoyo gunziriike. Nginga ontwale mu kifo kye naabaamu nga nzira kutya;

³ kuba niiwe ye neesiga, oli ng'oti n'ekimante ekigumu ekikingiriza omuzigu.

⁴ Leka mbenga mu isinzizo lyo lubeerera; mpambaatira ng'enkoko bw'eghambaatira obwana bwayo.

⁵ Iwe Katonda wange ompuliire nga neeyama, era ompaire omugabo ku ebyo by'oterekera abakutya.

⁶ Ghangaaza obulamu bwa kyabazinga, emyaka gye gibite mu nse dhoonadhoona,

⁷ abeegho mu maiso ga Katonda nga kyabazinga ebyanda n'ebyanda. Era olw'obwesigwa bwo mukuumenga ng'omugonza obutalekera.

⁸ Nze ndidha kwembanga enhembo edhisaaka eriina lyo, nga bwempaayo kye neeyama buli kaakyeire.