Zabbuli 54 - Baibuli Ekibono kya Katonda 2014

Okusaba okughangula abazigu

¹ Wo Katonda wange, ndokola olw'obuyinza bwo, era omponie abo abampaghabira.

² Wulirisa okusaba kwange, ontegere kutu owulire bye nkoba.

³ Abantu abeekuluntaza baneesimbyemu; abantu abakambwe benda kundhita, abatafaayo ku Katonda.

⁴ Aye nze Katonda n'ambeera. Musengwa Katonda n'akuuma obulamu bwange.

⁵ Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.

⁶ Ndidha kughaayo omusengo nze mwene kyeyendere. Wo Musengwa Katonda, ndidha kukusiimanga kuba oli mulungi.

⁷ Wamponia wantoola mu bizibu byange byonabyona, naabona abazigu bange nga baghangwirwa.