Zabbuli 5 - Baibuli Ekibono kya Katonda 2014

Okusaba okw'omuntu ali mu bazigu

¹ Wo Musengwa Katonda, wulirisa ebibono byange, era otansiriikirira bwe nsinda.

² Wulira okulira kwange, kuba niiwe ye nsaba, iwe Kyabazinga wange era Katonda wange!

³ Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

⁴ Iwe Katonda tosangaalira kwonoona naire. Era ekibi tokiganha kuseeta gh'oli naire.

⁵ Toyenda na kulinga ku beesaakiriza, era okyagha abakozi b'ebibi.

⁶ Ozikiriza abo boonaboona abaguya waakyagha abaisi n'abaghaayiriza.

⁷ Aye nze, olw'okungonza einho, ndidha kwingira mu isinzizo lyo nkusinze mu kifo kyo ekitukuvu, nga nkukubira amakiryaivu okwoleka nga bwe nkutya.

⁸ Wo Musengwa Katonda, nkulemberaamu mu ngira ey'obutuufu bwo kuba abazigu ndi na kamaala longoola engira mwe mbe ntambulire.

⁹ Mu minwa gy'abazigu bange timuva kya mazima naire, mu myoyo gyaibwe benda bwa kuzikiriza. Ebibono byaibwe magombe geene, enimi dhaibwe badhoogeza bya buguya.

¹⁰ Wo Katonda, basalire omusango gubasinge amagezi gaibwe geene n'agabe gabasuule. Babinge gh'oli olw'ebibi byaibwe kamaala, era n'olw'okukudheemera.

¹¹ Aye abo abakwesiga balisagamba era baayemba olw'eisanhu. Bakuumenga abo abakugonza kuba basangaavu inho olw'okuba iwe;

¹² kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.