Zabbuli 47 - Baibuli Ekibono kya Katonda 2014

Katonda ni kyabazinga w'ensi yoonayoona

¹ Abantu mwenamwena mukube mu ngalo! Mukubire Katonda emizira, mumwembere n'enhembo edh'eisanhu.

² Kuba Musengwa Katonda oyo Ali Ghaigulu Yeene agheebwa ekitiisa. Oyo ni kyabazinga omukologho afuga ensi yoonayoona.

³ Yatughangulira abantu baatugondera, yaatugha okufuga amaghanga.

⁴ Yatulondera ensi mwe tuli, mwe twesiimira ife abantu be b'agonza.

⁵ Katonda ajiire ghaigulu, abantu baakuba emizira era baafuuwa endeka.

⁶ Mwembe enhembo edhisaaka Katonda, mumusaake. Mwembe enhembo edhisaaka Kyabazinga waife, mumusaake;

⁷ kuba Katonda ni Kyabazinga w'ensi yoonayoona, kale mumusaake mu nhembo.

⁸ Katonda atyama ku kityamo kye ekitukuvu eky'obwakyabazinga, yaafuga amaghanga goonagoona.

⁹ Abafuga amaghanga beesoloza baaba ghalala n'abantu ba Katonda oyo Aburahamu y'asinza; kuba Katonda n'afuga abafuzi boonaboona ab'oku nsi era n'abaswikiriire.