Zabbuli 3 - Baibuli Ekibono kya Katonda 2014

Okusaba okw'oyo ali n'abazigu

¹ Wo Musengwa Katonda, abazigu ndi na kamaala! Abali kuneefuukira baja nga beeyongera!

² Abantu kamaala bankoba mbu iwe Katonda tolimbeera.

³ Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

⁴ Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

⁵ Nambaala, naatenduka, kabiri naazuuka, kuba Musengwa Katonda ankuuma.

⁶ Tiitye lukunkumuli lwa bazigu, abagumbye okuneezungulula.

⁷ Wo Musengwa Katonda, idha omponie, iwe Katonda wange! Abazigu bange boonaboona bakube empi ku matama, omulungule amaino g'aboonooni abo.

⁸ Okuwonezebwa kuva eri iwe, Musengwa Katonda. Enkabi dho dhibe ku bantu bo.