Zabbuli 150 - Baibuli Ekibono kya Katonda 2014

Olwembo olusaaka Musengwa Katonda

¹ Mwenamwena musaake Musengwa Katonda! Musaake Katonda waife mu kifo kye ekitukuvu, mumusaake ere y'ali ghaigulu mu igulu.

² Mumusaake olw'ebyo by'akola ebyoleka amaani ge agataloodheka, mumusaake kuba mukologho era ghazira amusinga.

³ Mumusaake nga mufuuwa amagwala, mumusaake nga mukuba endingidi n'entongooli.

⁴ Mumusaake nga mukuba engoma bwe mukina, mumusaakire ku bivuga eby'enkosi n'endere.

⁵ Mumusaake nga mukuba obude obutono, mumusaake nga mukuba ebide ebinene.

⁶ Buli kintu kyonakyona ekiri n'obulamu ka kisaake Musengwa Katonda. Mwenamwena musaake Musengwa Katonda!