Zabbuli 146 - Baibuli Ekibono kya Katonda 2014

Okusaaka Katonda atuzaawula

¹ Nze ka nsaake Musengwa Katonda. Ka nsaake Musengwa Katonda n'omwoyo gwange gwonagwona.

² Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

³ Muteesiganga bafuzi ba ku nsi; waire okwesiganga omuntu obuntu, kuba azira ky'ayamba.

⁴ Omuntu olufa ati ng'aira mu itaka; era ku olwo ebyo by'abaire ng'ategeike okukola, byonabyona lwe bikoma.

⁵ Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

⁶ Oyo n'eyakola eigulu n'ensi, n'enhandha, n'ebirimu byonabyona. Era oyo tiyeerabira ky'aba asuubiiza.

⁷ Abanhigirizibwa abasalira omusango mu butuufu era yaagha abayala emere. Musengwa Katonda oyo asibula abasibe mu makomera,

⁸ era yaazibula amaiso g'abatulu. Abo abawoiremu eisuubi abaizaamu amaani era agonza abakola by'asiima.

⁹ Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

¹⁰ Musengwa Katonda ni kyabazinga ebyanda n'ebyanda. Iwe Sioni, Katonda wo aja kufuga abantu ab'ense n'ense. Mwenamwena musaake Musengwa Katonda!