Zabbuli 136 - Baibuli Ekibono kya Katonda 2014

Olwembo olw'okusiima Katonda

¹ Musiime Musengwa Katonda kuba mulungi; okugonza kwe tikukoma, kubaagho byanda na byanda.

² Musiime Katonda owa bakatonda boonaboona; okugonza kwe tikukoma, kubaagho byanda na byanda.

³ Musiime Musengwa Katonda owa basengwa; okugonza kwe tikukoma, kubaagho byanda na byanda.

⁴ Oyo ni yenka akola ebyewuunhio ebikologho; okugonza kwe tikukoma, kubaagho byanda na byanda.

⁵ Oyo n'eyakola eigulu mu magezi ge; okugonza kwe tikukoma, kubaagho byanda na byanda.

⁶ Oyo n'eyataagho ensi ku maadhi; okugonza kwe tikukoma, kubaagho byanda na byanda.

⁷ Oyo n'eyakola ebyaka eby'amaani; okugonza kwe tikukoma, kubaagho byanda na byanda.

⁸ Endhuba efugenga omusana; okugonza kwe tikukoma, kubaagho byanda na byanda.

⁹ Omwezi ni muunienie bifugenga obwire; okugonza kwe tikukoma, kubaagho byanda na byanda.

¹⁰ Oyo n'eyaita abaana ababeri ab'Abamisiri; okugonza kwe tikukoma, kubaagho byanda na byanda.

¹¹ Oyo n'eyatoola Abaisiraeli mu Bamisiri abo; okugonza kwe tikukoma, kubaagho byanda na byanda.

¹² Oyo n'eyagolola omukono gwe ogw'amaani, n'abatoolayo n'engalo dhe; okugonza kwe tikukoma, kubaagho byanda na byanda.

¹³ Oyo n'eyayawula mu Nhandha Emyufu aghabiri; okugonza kwe tikukoma, kubaagho byanda na byanda.

¹⁴ Yaabisa Abaisiraeli ghagati ghaayo; okugonza kwe tikukoma, kubaagho byanda na byanda.

¹⁵ Aye yaasuula kyabazinga wa Misiri n'eigye lye mu Nhandha Emyufu; okugonza kwe tikukoma, kubaagho byanda na byanda.

¹⁶ Oyo n'eyabisa abantu be mu irungu; okugonza kwe tikukoma, kubaagho byanda na byanda.

¹⁷ Oyo n'eyaita bakyabazinga ab'amaani; okugonza kwe tikukoma, kubaagho byanda na byanda.

¹⁸ Era yaita bakyabazinga abaali abamanhifu einho; okugonza kwe tikukoma, kubaagho byanda na byanda.

¹⁹ Yaita Sihoni, kyabazinga ow'Abamori; okugonza kwe tikukoma, kubaagho byanda na byanda.

²⁰ Ni Ogi kyabazinga ow'e Bashani; okugonza kwe tikukoma, kubaagho byanda na byanda.

²¹ Yaatoola eitaka lyaibwe yaaligha abantu be Abaisiraeli ng'omugabo; okugonza kwe tikukoma, kubaagho byanda na byanda.

²² Yaaligha Abaisiraeli abagheereza be ng'omugabo; okugonza kwe tikukoma, kubaagho byanda na byanda.

²³ Oyo n'eyatubeera ng'omuzigu atughangwire; okugonza kwe tikukoma, kubaagho byanda na byanda.

²⁴ Yaidha yaatuwonia omuzigu eyali atughangwire; okugonza kwe tikukoma, kubaagho byanda na byanda.

²⁵ Oyo n'agha kiisi ekiri n'obulamu emere ey'okulya; okugonza kwe tikukoma, kubaagho byanda na byanda.

²⁶ Musiime Katonda ow'eigulu; okugonza kwe tikukoma, kubaagho byanda na byanda.