Zabbuli 130 - Baibuli Ekibono kya Katonda 2014

Okusaba okubeerwa

¹ Wo Musengwa Katonda, nkulirira kuba ndi mu buzibu kamaala inho.

² Wo Musengwa Katonda, wulirisa okweghemba kwange, otege kutu owulire okusaba kwange, ombeere.

³ Wo Musengwa Katonda, nguli weegemerera ebibi by'abantu, naani eyandiwonie okuzikirira?

⁴ Aye iwe otusonigha, tusobole okukugha ekitiisa.

⁵ Nze nteegerera Musengwa Katonda aidhe ambeere, eisuubi lyange lyonalyona liri mu kisuubizo kye.

⁶ Nteegerera Musengwa Katonda nga neesumba okusingaku n'abakuumi ab'obwire bwe beesumba obwire bukye; okusingaku abakuumi bwe bateega nga beesumba enkyo lituuke.

⁷ Imwe Abaisiraeli, mwesigenga Musengwa Katonda, kuba abagonza obutalekera era buliidho mwetegefu okubanunula.

⁸ Era aja kununula abantu ba Isiraeli mu bibi byaibwe byonabyona.