Zabbuli 13 - Baibuli Ekibono kya Katonda 2014

Okulira n'okusaaka Musengwa Katonda

¹ Wo Musengwa Katonda, olikituusa gha obutanfaaku! Byanda na byanda? Olikituusa gha obutenda kuuningaku?

² Ndikituusa gha okugumira ebizibu bino? Ndikituusa gha okuwulira enaku ku mwoyo omusana n'obwire? Ndikituusa gha abazigu okumpangulanga?

³ Wo Musengwa Katonda wange, mbeera otansiriikirira, ndhiriza amaani gange ndobe kufa.

⁴ Abazigu bange basobola okukoba bati: “Tumumaze amaani!” Era baasagamba olw'okuba ngwire.

⁵ Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

⁶ Ndidha kukwemberanga iwe Musengwa Katonda, kuba onkoleire bukalamu.