Zabbuli 127 - Baibuli Ekibono kya Katonda 2014

Byonabyona biva ye Musengwa Katonda

¹ Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

² Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

³ Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

⁴ Abaana omuntu b'azaala ng'akaali mwisuka, bali ng'oti n'obulaso omulwani bw'aba nabwo mu ngalo.

⁵ Yeesiimye oyo ali n'ekiruutu kye ekiidhwire obulaso obwo, kuba abazigu be tibaja kumusinga ng'ali mu kifo aghasalirwa ensonga.