Zabbuli 126 - Baibuli Ekibono kya Katonda 2014

Okusaba Katonda atutoole mu kabi

¹ Musengwa Katonda lwe yatwiza mu Sioni, twali ng'oti tuloota buloote.

² Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

³ Mu butuufu Musengwa Katonda atukoleire ebyewuunhisa era tusangaire.

⁴ Wo Musengwa Katonda, twirizeegho Sioni nga bwe kyalinga eira, ng'oti bw'oiza amaadhi ni gaidha mu miiga egyakala mu kiketezo kya Buyudaaya ekikalukalu eky'oku luuyi olw'omukono omusaadha olw'e buvandhuba.

⁵ Abo abasiga nga balira amaziga, ka bakungule nga bakuba emizira!

⁶ Abo abaja nga balira, nga batwala ensigo, baliira nga bakuba mizira, nga beetwise bye bakungwire.