Zabbuli 125 - Baibuli Ekibono kya Katonda 2014

Katonda akuuma abamwesiga

¹ Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

² Ng'ensozi bwe dheezungulwire Yerusalemu, ni Musengwa Katonda atyo bwe yeezungulwire abantu be ng'abakuuma okuva buti n'okweyongerayo ebyanda n'ebyanda.

³ Abakozi b'ebibi tibalifuga nsi ya bantu batuufu, kuba abatuufu basobola boona okugwa mu kibi.

⁴ Wo Musengwa Katonda, kolera bukalamu abo abalungi n'abo abagondera ebiragiro byo.

⁵ Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.