Zabbuli 122 - Baibuli Ekibono kya Katonda 2014

Okusaaka n'okusabira Yerusalemu

¹ Nasangaala inho bwe bankoba bati: “Tuje mu ndhu ya Musengwa Katonda.”

² Bona iwe Yerusalemu, ife twatuuse ira mu miryango gyo era buti mwe twemereire!

³ Ekibuga Yerusalemu kyazimbibwa nga kyonakyona kyagemagana bukalamu.

⁴ Omwo ebika byonabyona mwe bija, ebika ebyo eby'Abaisiraeli, nga bija okusiima Musengwa Katonda, nga Musengwa Katonda oyo mwene bwe yalagira.

⁵ Omwo bakyabazinga boonaboona abaajanga nga basikira kyabazinga Daudi, mwe baatyamanga okulamula abantu baibwe.

⁶ Musabire Yerusalemu kibenga miraala nga mukoba muti: “Abo abakugonza ka babenga n'enkabi.

⁷ Abantu abakulimu ka babenga miraala, n'abo ababa mu bisaagaati bya bakyabazinga bo ghabule ekibatiisa.”

⁸ Olwa baganda bange ni bakagwa bange, nsaba nti: “Emiraala gibenga mu iwe.”

⁹ Olw'okuba ngonza inho endhu ya Musengwa Katonda, oyo Katonda waife, nkwendeza bikalamu byereere.