Zabbuli 121 - Baibuli Ekibono kya Katonda 2014

Musengwa Katonda n'omukuumi waife

¹ Ningirira ensozi neebuuza nti: “Naani anambeera?”

² Musengwa Katonda n'ambeera, oyo eyakola eigulu n'ensi.

³ Musengwa Katonda oyo taja kukuganha kugwa, oyo n'omukuumi wo ataja kuwongera naire.

⁴ Bona, oyo omukuumi wa Isiraeli taja kutenduka, waire okuwongera obuwongere.

⁵ Musengwa Katonda n'akulabirira, era akuli kumpi agho ng'akukuuma.

⁶ Ghazira kabi kalikutuukaku, ka gube omusana ng'endhuba eri kwaka, oba obwire ng'omwezi guli kwaka.

⁷ Musengwa Katonda aja kukuwonianga olobe kugwa mu kabi koonakoona; akukuumenga ng'oli mulamu.

⁸ Musengwa Katonda aja kukukuumanga ng'ofuluma era akukuumenga ng'oingira, okuva buti n'okweyongerayo ebyanda n'ebyanda.