Zabbuli 114 - Baibuli Ekibono kya Katonda 2014

Olwembo lw'Abaisiraeli nga bava e Misiri

¹ Abaisiraeli lwe baava mu Misiri, baidhukulu ba Yakobo abo ni bava mu nsi etaali yaibwe,

² olwo Abayudaaya lwe baafuuka abantu ba Musengwa Katonda abatukuvu, Abaisiraeli lwe baafuuka abantu be, be yeerondera.

³ Enhandha bwe yabona yaalumukagho; omwiga Yorudani gwakyuka gwakuuluula kyainhumainhuma.

⁴ Ensozi enene dheezinduka, dhaatuumaga ng'oti ntaama nume; obusozi obutono bwona bwezinduka, bwatuumatuuma ng'oti ntaama nto.

⁵ Kyali ki, iwe enhandha okulumukagho, n'iwe Yorudani okukyuka n'okuuluula ekyeinhumainhuma,

⁶ n'imwe ensozi enene okwezinduka, ni mutuumaga ng'oti ntaama nume, era n'imwe obusozi obutono mwena okwezinduka ni mutuumatuuma ng'oti ntaama nto?

⁷ Iwe ensi dhugumira nga Musengwa Katonda atuuse, nga Katonda wa Yakobo aboneike,

⁸ oyo afuula aghabaire olubaale ni ghabaagho ekidiba eky'amaadhi, era n'afuula aghabaire eibaale eikalangafu ni ghaidhagho enhindo edhivaamu amaadhi agakuuluula.