Zabbuli 113 - Baibuli Ekibono kya Katonda 2014

Okusaaka Musengwa Katonda olw'obulungi bwe

¹ Mwenamwena musaake Musengwa Katonda! Imwe abagheereza ba Musengwa Katonda mumusaake, musaake eriina lye.

² Musaake eriina lya Musengwa Katonda okuva ni buti, ni ye bwidha eyo ebyanda n'ebyanda.

³ Eriina lya Musengwa Katonda lisaakibwe okuva endhuba y'eva okutuuka y'egwa.

⁴ Musengwa Katonda n'afuga amaghanga goonagoona, n'ekitiisa kye kisinga n'eigulu.

⁵ Naani ali ng'oti ni Musengwa Katonda waife, oyo aba eyo ghaigulu yeene,

⁶ n'alinga ghansi ku biri mu igulu ni ku nsi?

⁷ Abbeeda abanaku yaabatoola mu nkungu; yaatoola abaavu aghabi,

⁸ yaabafuula bakologho yaabatuusa ku bitiibwa eby'abalangira.

⁹ Aleetera omukazi omugumba okusangaala mu maka; yaamugha okuzaala abaana. Mwenamwena musaake Musengwa Katonda.