Zabbuli 110 - Baibuli Ekibono kya Katonda 2014

Musengwa Katonda asuubiza kyabazinga we obughanguzi

¹ Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

² Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

³ Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

⁴ Musengwa Katonda yalayira era talyeidhusa: “Iwe oli Kabona ebyanda n'ebyanda ng'oti ni Melekizedeki bwe yali.”

⁵ Iwe kyabazinga, Musengwa Katonda ali agho ku mukono gwo omusaadha, aidha kufafaagania bakyabazinga abandi, ku lunaku olw'ekiruyi kye.

⁶ Aidha kusalira ensi dhoonadhoona omusango, adhiidhuze emirambo era afafaaganie bakyabazinga mu nsi yoonayoona.

⁷ Kyabazinga alinhwa amaadhi ag'omu kaiga akali ku ngira, olwo yaatambula n'obughanguzi nga mugumu.