Zabbuli 11 - Baibuli Ekibono kya Katonda 2014

Musengwa Katonda ye neesiga

¹ Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

² kuba abakozi b'ebibi baghese obulaso bwaibwe, baata obusaale ku bugugha, era baalasa mu nzikiiza abo abagondera ebiragiro bya Katonda?

³ Ghaligho omuntu omutuufu ky'asobola okukola, ng'ebintu byonabyona bifafaagaine?”

⁴ Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

⁵ Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

⁶ Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

⁷ Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.