Yobu 25 - Baibuli Ekibono kya Katonda 2014

Omuntu aziraku bw'ali mu maiso ga Katonda

¹ Agho Bilidadi Omushuhi yairamu ng'akoba ati:

² “Katonda n'ali n'obukumu obufuga era atiibwa; aleeta emiraala mu bwakyabazinga bwe obw'omu igulu.

³ Amagye g'ali nago tigabalika. Obutangaavu bwe bwakira buli ghantu.

⁴ Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

⁵ Mu maiso ga Katonda, ni bwe guba omwezi tigwaka ni guboneka, n'emuunienie dhiba ng'oti dhizira butangaavu.

⁶ Memale leero omuntu obuntu, enhengere obuyengere, omwana w'omuntu, olugereegere obugereegere!”