Yeremia 45 - Baibuli Ekibono kya Katonda 2014

Katonda asuubiza Baruku obulamu

¹ Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nze Yeremia naakoba Baruku mutabane wa Neria, yaaghandiika ebibono bino byonabyona nga bwe nabyogera. Era naamukoba nti,

² Musengwa Katonda, Katonda wa Isiraeli akoba ati: “Baruku,

³ oli kukoba oti, ‘Nkagwireku, Musengwa Katonda andeeteire enaku okwongereza ku bulumi bwe ndi nabwo. Mpoiremu olw'okusinda einho. Nzira ghe mpuumuliraku naire!’

⁴ “Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

⁵ Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”