Nehemia 10 - Baibuli Ekibono kya Katonda 2014

¹ Bano n'abantu abaataaku ebinkumu byaibwe: Nehemia eyali omufuzi era nga mutabane wa Hakalia, ni Zedekia. Bano ni bakabona abataaku ebinkumu byaibwe:

² Seraia, ni Azaria, ni Yeremia,

³ ni Pashuhuri, ni Amaria, ni Malikiya,

⁴ ni Hattushi, ni Shebania, ni Malluki,

⁵ ni Harimu, ni Meremothi, ni Obadia,

⁶ ni Danieli, ni Ginnethoni, ni Baruku,

⁷ ni Meshullamu, ni Abiya, ni Miyamini,

⁸ ni Maazia, ni Biligai, ni Shemaia.

⁹ Bano n'Abalevi abaataaku ebinkumu byaibwe: Yeshua mutabane wa Azania, ni Binnui owundi ku batabane ba Henadadi, ni Kadimieli.

¹⁰ Ni baganda baibwe bano: Shebania, ni Hodia, ni Kelita, ni Pelaia, ni Hanani,

¹¹ ni Mika, ni Rehobu, ni Hashabia,

¹² ni Zakkuri, ni Sherebia, ni Shebania,

¹³ ni Hodia, ni Bani, ni Beninu.

¹⁴ Bano n'abakulembeze ab'abantu abaataaku ebinkumu byaibwe: Paroshi, ni Pahathi Moabu, ni Elamu, ni Zattu, ni Bani,

¹⁵ ni Bunni, ni Azigadi, ni Bebai,

¹⁶ ni Adoniya, ni Bigivai, ni Adini,

¹⁷ ni Ateri, ni Hezekia, ni Azzuri,

¹⁸ ni Hodia, ni Hashumu, ni Bezai,

¹⁹ ni Harifu, ni Anathothi, ni Nebai,

²⁰ ni Magipiashi, ni Meshullamu, ni Hezira,

²¹ ni Meshezabeli, ni Zadoki, ni Yaddua,

²² ni Pelatia, ni Hanani, ni Anaia,

²³ ni Hoshea, ni Hanania, Hassihubu,

²⁴ ni Halloheshi, ni Piliha, ni Shobeki,

²⁵ ni Rehumu, ni Hashabina, ni Maaseia,

²⁶ ni Ahia, ni Hanani, ni Anani,

²⁷ ni Malluki, ni Harimu, ni Baana.

Endagaano

²⁸ Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

²⁹ Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

³⁰ Titwidha kufumbirwagananga na bamaghanga gandi, nga tughaayo baghala baife okubayira batabane baibwe, oba okutoola baghala baibwe okubayira batabane baife.

³¹ Abamaghanga agandi abo bwe banaaleetanga eby'okulya oba ebintu ebindi byonabyona okubitunda ku Sabbato, oba ku lunaku olundi olutukuvu, titwidha kubagulangaku. “Buli mwaka ogwomusanvu titwidha kukungulanga bibala bya mu misiri, era twidha kusonighanga abantu amabandha ge tubabandha.

³² “Buli mwaka twidha kutoolanga guraamu itaanu edha feeza, kiisi muntu, tudhigheeyo dhikole emirimo mu isinzizo lya Katonda waife.

³³ Era twidha kughangayo ebintu bino: emigaati egigheebwayo eri Katonda, n'ebigheebwayo eby'emere ey'empeke ebya buli lunaku, n'ebigheebwayo ebyokebwa ebya buli lunaku, n'ebigheebwayo ku buli lwa Sabbato, n'ebigheebwayo ku mbaga ey'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi ebyalagirwa, n'ebintu ebindi ebitukuvu, n'ebigheebwayo ku lw'Abaisiraeli olw'okutoolebwaku ebibi. Twidha kughangayo n'ebintu ebindi byonabyona ebyetaagisa mu isinzizo.

³⁴ “Ife Abaisiraeli abandi, ni bakabona, n'Abalevi, twidha kukubanga akalulu buli mwaka okubona abanaaleetanga ekigheebwayo eky'enku mu isinzizo lya Katonda waife, olw'okwokya ebigheebwayo ku alutaari ya Musengwa Katonda waife, nga bwe kyaghandiikibwa mu Mateeka. Ekyo twidha kukikolanga nga tujiira ku nda dha baiseife.

³⁵ “Tweyamye okuleetanga mu isinzizo buli mwaka, ebirime bye tunaasookanga okukungula mu misiri gyaife, n'ebibala bye tunaasookanga okunoga ku miti gyonagyona egy'ebibala.

³⁶ “Twidha kutwalanga batabane baife ababeri, ye bakabona mu isinzizo, tubaghengayo eri Musengwa Katonda nga bwe kyaghandiikibwa mu Mateeka. Era twidha kughangayo eri Musengwa Katonda oyo, ente dhaife, n'embuzi, n'entaama, edhinaazaalibwanga mu luzaalo olusooka.

³⁷ “Buli mwaka twidha kuleetanga eri bakabona mu isinzizo, engaano ye tunaasookanga okukanda, n'ebintu ebindi, n'omwenge ogw'emizabbibu, n'omuzigo ogw'ebibala eby'emiti emyoliva, n'ebibala eby'oku miti egya buli nsambo. “N'Abalevi twidha kubaleeteranga ekintu kirala kirala ku buli bintu ikumi bye tufuna mu itaka lyaife, kuba Abalevi n'abasoloza ekirala ekirala ku buli bintu ikumi ebifunibwa mu byalo byaife byonabyona ye tulimira.

³⁸ Bakabona baidhukulu ba Aaroni baidha kubangagho ng'Abalevi bafuna ekintu ekirala ekirala ku buli bintu eikumi ebyo. Era Abalevi abo baidha kutoolanga ekintu kirala kirala ku buli bintu ikumi ku ebyo bye bafunie, babitwale babite mu iterekero ly'eisinzizo.

³⁹ Abaisiraeli abandi, n'Abalevi, baidha kutwalanga emere ey'empeke esondeibwa, n'omwenge ogw'emizabbibu, n'omuzigo ogw'ebibala eby'emiti emyoliva, babite mu iterekero omukuumirwa ebintu ebikozesebwa mu Kifo Ekitukuvu, okumpi n'ekifo bakabona abali ku mulimo, n'abakuumi, n'abembi, ghe baba. “Bwenebwene titwidha kulekuliranga agho ndhu ya Katonda waife.”