Malaki 4 - Baibuli Ekibono kya Katonda 2014

Olunaku lwa Musengwa Katonda luli kwidha

¹ Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

² Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

³ Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

⁴ “Mugemenga ebyo Musa omugheereza wange bye yabeegeresa, amateeka n'ebiragiro, bye namugheera ku lusozi Horebu, abikobere Abaisiraeli boonaboona.

⁵ “Aye bona eno, olunaku lwa Musengwa Katonda olukologho era olw'entiisa bwe luliba lukaali kutuuka, ndibatumira Eliya omulanzi.

⁶ Oyo alireetera balata b'abaana okwisania n'abaana baibwe, olwo ndobe kwidha kuzikiriza nsi yaimwe.”