Isaia 12 - Baibuli Ekibono kya Katonda 2014

Olwembo olw'okusiima Musengwa Katonda

¹ Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

² Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

³ Ng'amaadhi amalungi bwe gasanhusa abali endiwo, n'abantu ba Katonda batyo bwe basagamba nga Katonda abalokoire.”

⁴ Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

⁵ Mwembe nga musaaka Musengwa Katonda olw'eby'amaani by'akoze, mubimanhise ensi yoonayoona.

⁶ Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”