Ezera 2 - Baibuli Ekibono kya Katonda 2014

Olukalala olw'abantu abaira okuva mu bunhage

¹ Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

² Abakulembeze baibwe baali: Zerubbabeli, Yoshua, Nehemia, Seraia, Reelaia, Morodekai, Bilishani, Misipari, Bigivai, Rehumu, ni Baana. Guno n'omughendo ogw'Abaisiraeli abaira okuva mu bunhage:

³ Ab'oku nda ya Paroshi baali enkumi ibiri na kikumi na nsanvu na babiri (2,172);

⁴ ab'oku nda ya Shefatia baali ebikumi bisatu na nsanvu na babiri (372);

⁵ ab'oku nda ya Ara baali lusanvu na nsanvu na bataanu (775);

⁶ ab'oku nda ya Pahathimoabu era nga baidhukulu ba Yeshua ni Yoabu baali enkumi ibiri na lunaana na ikumi na babiri (2,812);

⁷ ab'oku nda ya Elamu baali lukumi na bibiri n'ataanu na bana (1,254);

⁸ ab'oku nda ya Zattu baali lwenda n'ana na bataanu (945);

⁹ ab'oku nda ya Zakkai baali lusanvu na nkaaga (760);

¹⁰ ab'oku nda ya Bani baali lukaaga n'ana na babiri (642);

¹¹ ab'oku nda ya Bebai baali lukaaga n'abiri na basatu (623);

¹² ab'oku nda ya Azigadi baali lukumi na bibiri n'abiri na babiri (1,222);

¹³ ab'oku nda ya Adonikamu baali lukaaga na nkaaga na mukaaga (666);

¹⁴ ab'oku nda ya Bigivai baali enkumi ibiri n'ataanu na mukaaga (2,056);

¹⁵ ab'oku nda ya Adini baali ebikumi bina n'ataanu na bana (454);

¹⁶ ab'oku nda ya Ateri, era ayetebwa Hezekia, baali kyenda na munaana (98);

¹⁷ ab'oku nda ya Bezai baali ebikumi bisatu n'abiri na basatu (323);

¹⁸ ab'oku nda ya Yora baali kikumi na ikumi na babiri (112);

¹⁹ ab'oku nda ya Hushumu baali ebikumi bibiri n'abiri na basatu (223);

²⁰ ate ab'oku nda ya Gibbari baaba kyenda na bataanu (95).

²¹ Abantu ab'e Bethelehemu baali kikumi n'abiri na basatu (123);

²² abantu ab'e Netofa baali amakumi ataanu na mukaaga (56);

²³ abantu ab'e Anathothi baali kikumi n'abiri na munaana (128);

²⁴ abantu ab'e Azimavethi baali amakumi ana na babiri (42);

²⁵ abantu ab'e Kiriathi Yearimu, n'ab'e Kefira, n'ab'e Beerothi baali lusanvu n'ana na basatu (743);

²⁶ abantu ab'e Rama n'ab'e Geba baali lukaaga n'abiri na mulala (621);

²⁷ abantu ab'e Mikimasi baali kikumi n'abiri na babiri (122);

²⁸ abantu ab'e Betheli n'ab'e Ayi baali ebikumi bibiri n'abiri na basatu (223);

²⁹ abantu ab'e Nebo baali amakumi ataanu na babiri (52);

³⁰ abantu ab'e Magibishi baali kikumi n'ataanu na mukaaga (156);

³¹ abantu ab'e Elamu kire ekindi baali lukumi na bibiri n'ataanu na bana (1,254);

³² abantu ab'e Harimu baali ebikumi bisatu n'abiri (320).

³³ Abantu ab'e Lodi, n'ab'e Hadida, n'ab'e Ono baali lusanvu n'abiri na bataanu (725);

³⁴ abantu ab'e Yeriko baali ebikumi bisatu n'ana na bataanu (345);

³⁵ ate abantu ab'e Sena baaba enkumi isatu na lukaaga n'asatu (3,630).

³⁶ Mu baira okuva mu bunhage mwalimu bakabona bano: Ab'oku nda ya Yedaia nga baasimuka mu Yeshua, baali lwenda na nsanvu na basatu (973);

³⁷ ab'oku nda ya Immeri baali lukumi n'ataanu na babiri (1,052);

³⁸ ab'oku nda ya Pashuhuri baali lukumi na bibiri n'ana na musanvu (1,247);

³⁹ ate ab'oku nda ya Harimu baaba lukumi na ikumi na musanvu (1,017).

⁴⁰ Mu baira okuva mu bunhage mwalimu Abalevi bano: Ab'oku nda ya Yeshua, n'ab'oku nda ya Kadimieli, nga baasimuka mu Hodavia, baali nsanvu na bana (74).

⁴¹ Abembi b'omu isinzizo baali ba ku nda ya Asafu, era baali kikumi n'abiri na munaana (128).

⁴² Abakuumi b'emiryango gy'eisinzizo baali, ba ku nda ya Shallumu, n'ab'oku ya Ateri, n'ab'oku ya Talumoni, n'ab'oku ya Akkubu, n'ab'oku ya Hatita, n'ab'oku ya Shobai boonaboona aghalala baaba kikumi n'asatu na mwenda (139).

⁴³ Abaagheerezanga mu isinzizo baali, ba ku nda ya Ziha, n'ab'oku ya Hasufa, n'ab'oku ya Tabbaothi;

⁴⁴ ab'oku nda ya Kerosi, n'ab'oku ya Siaha, n'ab'oku ya Padoni;

⁴⁵ ab'oku nda ya Lebana, n'ab'oku ya Hagaba, n'ab'oku ya Akkubu;

⁴⁶ ab'oku nda ya Hagabu, n'ab'oku ya Shamulai, n'ab'oku ya Hanani;

⁴⁷ ab'oku nda ya Giddeli, n'ab'oku ya Gahari, n'ab'oku ya Reayia;

⁴⁸ ab'oku nda ya Rezini, n'ab'oku ya Nekoda, n'ab'oku ya Gazzamu;

⁴⁹ ab'oku nda ya Uzza, n'ab'oku ya Pasea, n'ab'oku ya Besai;

⁵⁰ ab'oku nda ya Asina, n'ab'oku ya Meunimu, n'ab'oku ya Nefisimu;

⁵¹ ab'oku nda ya Bakabuka, n'ab'oku ya Hakufa, n'ab'oku ya Harahura;

⁵² ab'oku nda ya Bazaluthi, n'ab'oku ya Mehida, n'ab'oku ya Harasha;

⁵³ ab'oku nda ya Barakosi, n'ab'oku ya Sisera, n'ab'oku ya Tema;

⁵⁴ n'ab'oku nda ya Nezia, n'ab'oku ya Hatifa.

⁵⁵ Mu baira okuva mu bunhage mwalimu abagheereza aba Solomoni bano: Ab'oku nda ya Sotai, n'ab'oku ya Hassoferethi, n'ab'oku ya Peruda;

⁵⁶ ab'oku nda ya Yaala, n'ab'oku ya Darikoni, n'ab'oku ya Giddeli;

⁵⁷ ab'oku nda ya Shefatia, n'ab'oku ya Hattili, n'ab'oku ya Pokerethi; n'ab'oku ya Hazzebaimu, n'ab'oku ya Ami.

⁵⁸ Abagheereza ab'omu isinzizo n'abagheereza aba Solomoni boonaboona aghalala baali ebikumi bisatu na kyenda na babiri (392).

⁵⁹ Mu baira okuva mu bunhage mwalimu abaava e Telimela, n'e Teliharisha, n'e Kerubu, n'e Addani, n'e Immeri. Aye abantu abo baali bazira bukakafu bwoleka nda dha baiseibwe dhe baavaamu, waire obukakafu obwoleka oba nga baali Baisiraeli beenebeene.

⁶⁰ Baali ba ku nda ya Delaia, n'eya Tobia, n'eya Nekoda. Era boonaboona aghalala baali lukaaga n'ataanu na babiri (652).

⁶¹ Ghaligho n'abandi abaali abaana ba bakabona, nga ni bano: Ab'oku nda ya Habaia, n'ab'oku ya Hakkozi, n'ab'oku ya Barazillai, ye baatuuma eriina eryo olw'okuba yafumbirwa owundi ku baghala ba Barazillai Omugileadi.

⁶² Abantu abo baabanoonia mu nkalala dh'obuzaale aye nga tibabonekamu, kale baabalekeza okukola nga bakabona, nga batwalibwa ng'abatali balongoofu.

⁶³ Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

⁶⁴ Ekikunsu kyonakyona aghalala eky'abo abaira okuva mu bunhage, kyalimu abantu emitwalo ena n'enkumi ibiri na bisatu na nkaaga (42,360).

⁶⁵ Abagheereza abasaadha n'abakazi be baira nabo baali, kasanvu na bisatu n'asatu na musanvu (7,337). Baira n'abembi abasaadha n'abakazi ebikumi bibiri (200).

⁶⁶ Baira n'embalaasi dhaibwe lusanvu n'asatu na mukaaga (736), n'enhumbu ebikumi bibiri n'ana na itaanu (245),

⁶⁷ n'engamiya ebikumi bina n'asatu na itaanu (435), n'endogoyi kakaaga na lusanvu n'abiri (6,720).

⁶⁸ Abandi ku bakulu ab'enda dha baiseibwe bwe baatuuka e Yerusalemu aghaabanga eisinzizo lya Musengwa Katonda, baaghaayo ebigheebwayo eby'ekyeyendere olw'endhu ya Katonda eyo ezimbibwe mu kifo kyayo.

⁶⁹ Buli muntu yaaghaayo ebintu ebyakolanga omulimo ogwo nga bwe yasobola: kilo ebikumi bitaanu (500) edha zaabu, ni kilo enkumi ibiri na lunaana (2,800) edha feeza, n'ebivaalo bya bakabona kikumi (100).

⁷⁰ Agho bakabona, n'Abalevi, n'abembi, n'abakuumi b'emiryango gy'eisinzizo, n'abagheereza b'omu isinzizo, n'abantu abandi, baasenga mu Yerusalemu n'ebiketezo ebikiriiraine. N'Abaisiraeli abandi boonaboona baaja baasenga mu bibuga ebyalingamu badhaadha baibwe.