1 Ebyomubyanda 8 - Baibuli Ekibono kya Katonda 2014

Baidhukulu ba Benjamini

¹ Benjamini yazaala Bela, nga n'omwana omuberi, yaizaaku Ashibeli, yaizaaku Ahara,

² yaizaaku Noha, ate yaizaaku Rafa.

³ Bela yaazaala Addari, ni Gera, ni Abihudi,

⁴ ni Abishua, ni Naamani, ni Ahoa,

⁵ ni Gera, ni Sefufani, ni Huramu.

⁶ Bano n'abaasimuka mu Ehudi, abaakuliranga enda dha badhaadha b'abantu b'e Geba abaatwalibwa mu bunhage e Manahathi:

⁷ Naamani, ni Ahiya, ni Gera eyabatwala mu bunhage era nga n'eyali lata wa Uzza ni Ahihudi.

⁸ Shaharaimu bwe yamala okubinga bakazi be Hushimu ni Baara,

⁹ yaazaala abaana bano e Moabu ni mukazi we Hodeshi: Yobabu, ni Zibia, ni Mesha, ni Malikamu,

¹⁰ ni Yeuzi, ni Sakia, ni Mirama. Abo boonaboona baali batabane be abaafuuka abakulu b'enda dha baiseibwe.

¹¹ Mukazi we Hushimu yazaala naye abaana bano: Abitubu ni Elipaali.

¹² Elipaali yazaala Eberi, ni Mishamu, ni Shemedi. Shemedi oyo n'eyazimba ebibuga, Ono ni Lodi, era n'obubuga obubyezungulwire.

Ababenjamini ab'e Gathi n'ab'e Aiyaloni

¹³ Beria ni Shema n'abaali abakulu b'enda dha badhaadha b'abantu ab'e Aiyaloni, abaaja e Gathi ni babingayo abatyamye baayo.

¹⁴ Mu basimuka mu Beria mwalimu Ahio, ni Shashaki, ni Yeremothi,

¹⁵ ni Zebadia, ni Aradi, ni Ederi,

¹⁶ ni Mikaeli, ni Ishipa, ni Yoha.

Ababenjamini ab'e Yerusalemu

¹⁷ Elipaali yazaala Zebadia, ni Meshullamu, ni Hiziki, ni Heberi,

¹⁸ ni Ishimerai, ni Izilia, ni Yobabu.

¹⁹ Shimei yaazaala Yakimu, ni Zikiri, ni Zabadi,

²⁰ ni Elienai, ni Zillethai, ni Elieli,

²¹ ni Adaia, ni Beraia ni Shimurathi.

²² Shashaki yaazaala Ishipani, ni Eberi, ni Elieli,

²³ ni Abudoni, ni Zikari, ni Hanani,

²⁴ ni Hanania, ni Elamu, ni Anathothiya,

²⁵ ni Ifudeia, ni Penueli.

²⁶ Yehoramu yaazaala Shamasherai, ni Sheharia, ni Athalia,

²⁷ ni Yaareshia, ni Eliya ni Zikiri.

²⁸ Abo n'abaali abakulu b'enda dha baiseibwe, ng'ense dhaibwe bwe dhaajanga nga dhiiraganwaku. Era baabanga mu Yerusalemu.

Ababenjamini ab'e Gibeoni n'ab'e Yerusalemu

²⁹ Yeiyeli eyatandiikagho ekibuga Gibeoni yabanga yeene eyo e Gibeoni, nga mukazi we ayetebwa Maaka.

³⁰ Yaazaala abaana bano: Abudoni nga n'omuberi, yaizaaku Zura, ni Kishi, ni Baali, ni Nadabu,

³¹ ni Gedori, ni Ahio, ni Zekeri,

³² ni Mikilothi. Mikilothi oyo n'eyali lata wa Shimea. Abo boona baabanga mu Yerusalemu ghalala ni baganda baibwe, okumpi n'ab'ekika kyaibwe abandi.

Ab'oku nda ya kyabazinga Saulo

³³ Neri yazaala Kishi, Kishi yaazaala Saulo, Saulo yaazaala Yonathani, ni Malakishua, ni Abinadabu, ni Eshibaali.

³⁴ Yonathani yaazaala Meribbaali, Meribbaali yaazaala Mika.

³⁵ Mika yaazaala Pithoni, ni Meleki, ni Tarea, ni Ahazi.

³⁶ Ahazi yaazaala Yehoadda, Yehoadda yaazaala Alemethi, ni Azimavethi, ni Zimuri. Zimuri yaazaala Moza,

³⁷ Moza yazaala Binea, Binea yaazaala Rafa, Rafa yaazaala Eleasa, Eleasa yaazaala Azeli.

³⁸ Azeli yaazaala abaana abalenzi mukaaga, nga ni bano: Azarikamu, ni Bokeru, ni Ishimaeli, ni Shearia, ni Obadia, ni Hanani. Abo boonaboona baali batabane ba Azeli.

³⁹ Esheki muganda wa Azeli oyo yaazaala abaana bano: Ulamu nga n'omuberi, yaizaaku Yeushi, ate yaizaaku Elifeleti.

⁴⁰ Batabane ba Ulamu baali balwani ba maani, abakugu mu kulasa obusaale. Baaliku abaana n'abaidhukulu kamaala, nga boonaboona aghalala baghera kikumi n'ataanu. Abo boonaboona n'abaali mu kika kya Benjamini.