1 Ebyomubyanda 6 - Baibuli Ekibono kya Katonda 2014

Enda edhaasimukamu Abakulu ba Bakabona

¹ Levi yazaala Gereshomu, ni Kohathi, ni Merari.

² Kohathi yaazaala Amuramu, ni Izahara, ni Heburoni, ni Uzzieli.

³ Amuramu yaazaala Aaroni, ni Musa, ni Miriamu. Aaroni yaazaala Nadabu, ni Abihu, ni Eleazari, ni Ithamari.

⁴ Eleazari yaazaala Finehasi, Finehasi yaazaala Abishua,

⁵ Abishua yaazaala Bukki, Bukki yaazaala Uzzi,

⁶ Uzzi yaazaala Zerahia, Zerahia yaazaala Meraiothi,

⁷ Meraiothi yaazaala Amaria, Amaria yaazaala Ahitubu,

⁸ Ahitubu yaazaala Zadoki, Zadoki yaazaala Ahimaazi,

⁹ Ahimaazi yaazaala Azaria, Azaria yaazaala Yohanani,

¹⁰ Yohanani yaazaala Azaria eyakola obwakabona mu isinzizo, Solomoni lye yazimba mu Yerusalemu.

¹¹ Azaria yaazaala Amaria, Amaria yaazaala Ahitubu,

¹² Ahitubu yaazaala Zadoki, Zadoki yaazaala Shallumu,

¹³ Shallumu yaazaala Hilikia, Hilikia yaazaala Azaria.

¹⁴ Azaria yaazaala Seraia, Seraia yaazaala Yehozadaki,

¹⁵ Yehozadaki oyo yeena baamutwala mu bunhage, Musengwa Katonda bwe yatwala ab'omu Buyudaaya n'ab'omu Yerusalemu mu bunhage ng'akozesa Nebukadinezzari.

Baidhukulu ba Levi abandi

¹⁶ Levi yazaala Gereshomu, ni Kohathi, ni Merari:

¹⁷ Gereshomu yaazaala Libuni ni Shimei

¹⁸ Kohathi yaazaala Amuramu, ni Izahara, ni Heburoni, ni Uzzieli

¹⁹ ate Merari yaazaala Mahili ni Mushi. Edho n'enda edhisimukamu Abalevi ng'ojiira ku baiseibwe.

²⁰ Bano n'abasimuka mu Gereshomu: Gereshomu yazaala Libuni, Libuni yaazaala Yahathi, Yahathi yaazaala Zimma,

²¹ Zimma yaazaala Yoa, Yoa yaazaala Iddo, Iddo yaazaala Zera, Zera yaazaala Yeatherai.

²² Bano n'abasimuka mu Kohathi: Kohathi yazaala Amminadabu, Amminadabu yaazaala Kora, Kora yaazaala Assiri.

²³ Assiri yaazaala Elukana, Elukana yaazaala Ebiasafu, Ebiasafu yaazaala Assiri,

²⁴ Assiri yaazaala Tahathi, Tahathi yaazaala Urieli, Urieli yaazaala Uzzia, Uzzia yaazaala Shaulo.

²⁵ Bano n'abasimuka mu Elukana: Elukana yazaala Amasai ni Ahimothi. Ahimothi

²⁶ yaazaala Elukana, Elukana yaazaala Zofai, Zofai yaazaala Nahathi, Nahathi

²⁷ yaazaala Eliabu, Eliabu yaazaala Yerohamu, Yerohamu yaazaala Elukana.

²⁸ Samueli yazaala abaana babiri: Yoeli nga n'omwana omuberi, ate Abiya nga n'omuto.

²⁹ Bano n'abasimuka mu Merari: Merari yazaala Mahili, Mahili yaazaala Libuni, Libuni yaazaala Shimei, Shimei yaazaala Uzza, Uzza

³⁰ yaazaala Shimea, Shimea yaazaala Haggia, Haggia yaazaala Asaia.

Abembi b'omu isinzizo

³¹ Ghaligho abantu Daudi be yataagho okukulira eby'okwemba mu kifo eky'okusinzizaamu Musengwa Katonda, ng'Esanduuku y'Endagaano bamaze okugingiza mu kifo ekyo.

³² Baagheerezanga mu ngobo nga bemba mu Weema ey'Okwagaananirangamu ni Musengwa Katonda, okutuusa kyabazinga Solomoni bwe yazimba eisinzizo lya Musengwa Katonda mu Yerusalemu.

³³ Abantu abo abaateebwagho, ni bano n'abaana baibwe: Ku nda ya Kohathi kwaliku Hemani omukulu w'abembi, nga mutabane wa Yoeli, Yoeli mutabane wa Samueli, Samueli

³⁴ mutabane wa Elukana, Elukana mutabane wa Yerohamu, Yerohamu mutabane wa Elieli, Elieli mutabane wa Toa, Toa

³⁵ mutabane wa Zufu, Zufu mutabane wa Elukana, Elukana mutabane wa Mahathi, Mahathi mutabane wa Amasai, Amasai

³⁶ mutabane wa Elukana, Elukana mutabane wa Yoeli, Yoeli mutabane wa Azaria, Azaria mutabane wa Zefania, Zefania

³⁷ mutabane wa Tahathi, Tahathi mutabane wa Assiri, Assiri mutabane wa Ebiasafu, Ebiasafu mutabane wa Kora, Kora

³⁸ mutabane wa Izahara, Izahara mutabane wa Kohathi, Kohathi mutabane wa Levi, Levi mutabane wa Isiraeli.

³⁹ Eyabanga ku luuyi olw'omukono omusaadha ogwa Hemani era nga muganda we, nga ni Asafu mutabane wa Berekia, Berekia mutabane wa Shimea, Shimea

⁴⁰ mutabane wa Mikaeli, Mikaeli mutabane wa Baaseia, Baaseia mutabane wa Malikiya, Malikiya

⁴¹ mutabane wa Ethini, Ethini mutabane wa Zera, Zera mutabane wa Adaia, Adaia

⁴² mutabane wa Ethani, Ethani mutabane wa Zimma, Zimma mutabane wa Shimei, Shimei

⁴³ mutabane wa Yahathi, Yahathi mutabane wa Gereshomu, Gereshomu mutabane wa Levi.

⁴⁴ Ate eyabanga ku luuyi olw'omukono omugooda ogwa Hemani ni Ethani, nga wa ku nda ya Merari mutabane wa Kishi, Kishi mutabane wa Abudi, Abudi mutabane wa Malluki, Malluki

⁴⁵ mutabane wa Hashabia, Hashabia mutabane wa Amazia, Amazia mutabane wa Hilikia, Hilikia

⁴⁶ mutabane wa Amuzi, Amuzi mutabane wa Bani, Bani mutabane wa Shemeri, Shemeri

⁴⁷ mutabane wa Mahili, Mahili mutabane wa Mushi, Mushi mutabane wa Merari, Merari mutabane wa Levi.

⁴⁸ Balevi banaibwe abandi boonaboona, n'abaagheebwa emirimo egindi gyonagyona egyasigalagho mu kifo eky'okusinzizaamu.

Baidhukulu ba Aaroni

⁴⁹ Aaroni ni baidhukulu be baagheerangayo ebigheebwayo ku alutaari edh'ebigheebwayo ebyokebwa, era baaniokezanga obubbaani ku alutaari edh'okuniokezaaku obubbaani. Baakolanga emirimo gyonagyona egy'omu Kifo Ekitukuvu Einho, era baasabiranga Abaisiraeli batoolebweku ebibi byaibwe, nga Musa omugheereza wa Katonda bwe yalagira.

⁵⁰ Era bano ni baidhukulu ba Aaroni: Aaroni yazaala Eleazari, Eleazari yaazaala Finehasi, Finehasi yaazaala Abishua, Abishua

⁵¹ yaazaala Bukki, Bukki yaazaala Uzzi, Uzzi yaazaala Zerahia, Zerahia

⁵² yaazaala Meraiothi, Meraiothi yaazaala Amaria, Amaria yaazaala Ahitubu, Ahitubu

⁵³ yaazaala Zadoki, Zadoki yaazaala Ahimaazi.

Ebiketezo ebyagheebwa Abalevi okubangamu

⁵⁴ Bino n'ebiketezo bye baagha baidhukulu ba Aaroni ng'akalulu kamaze okukubwa: Ab'oku nda ya Kohathi be baasooka okugha agh'okuba mu kiketezo ekyagheebwa Abalevi.

⁵⁵ Baabagha ekibuga Heburoni eky'omu Buyudaaya, n'ebiketezo ebikyezungulwire ebirimu eisubi ery'okwayiramu.

⁵⁶ Aye ebibandha byaku ghalala n'ebyalo byaku, byagheebwa Kalebu mutabane wa Yefunne.

⁵⁷ Era baagha baidhukulu ba Aaroni ab'oku nda ya Kohathi abo, ebibuga ebyalondebwa okulumukirangamu okwewonia ni bino: Heburoni, ni Libuna, ghalala n'ebyayiro byabyo; Yattiri, ni Eshitemoa, ghalala n'ebyayiro byabyo;

⁵⁸ Hileni, ghalala n'ebyayiro byakyo; Debiri, ghalala n'ebyayiro byakyo;

⁵⁹ Ashani, ghalala n'ebyayiro byakyo ni Bethishemeshi, ghalala n'ebyayiro byakyo.

⁶⁰ Mu kiketezo ekyagheebwa Ababenjamini, Abalevi abo baafunayo ebibuga bino: Geba, ghalala n'ebyayiro byakyo; Alemethi, ghalala n'ebyayiro byakyo ni Anathothi, ghalala n'ebyayiro byakyo. Ebibuga byonabyona aghalala bye baabagha, byali ikumi na bisatu.

⁶¹ Akalulu bwe kaakubwa kabiri, ab'oku nda ya Kohathi abandi baabagha ebibuga ikumi ebyali mu kiketezo ekyagheebwa ekitundu eky'ekika kya Manasse, nga bajiira ku nda dhaibwe.

⁶² Ab'oku nda ya Gereshomu baabagha ebibuga ikumi na bisatu nga bajiira ku nda dhaibwe. Ebibuga ebyo bye baabagha baabitoola ku bika bino: ekya Issakari, n'ekya Asheri, n'ekya Nafutali, n'ekya Manasse mu Bashani.

⁶³ Ab'oku nda ya Merari baabagha ebibuga ikumi na bibiri nga bajiira ku nda dhaibwe. Ebibuga ebyo bye baabagha baabitoola ku bika bino: ekya Reubeni, n'ekya Gadi, n'ekya Zebuluni.

⁶⁴ Mu nsambo eyo, Abaisiraeli baagha Abalevi ebibuga eby'okubaamu, nga babagheeraku n'ebyayiro.

⁶⁵ Ebibuga ebyo ebyatwirwa amaina gaabyo, baabitoola ku kika kya Yuda, n'ekya Simeoni, n'ekya Benjamini, byona baabigha Abalevi nga babikubira kalulu.

⁶⁶ Abandi ku b'oku nda ya Kohathi baabagha ebibuga nga babitoola ku kika kya Efuraimu,

⁶⁷ ebyalondebwa okulumukirangamu okwewonia, era nga ni bino: Shekemu, ghalala n'ebyayiro byakyo eby'oku nsozi dha Efuraimu; Gezeri, ghalala n'ebyayiro byakyo;

⁶⁸ Yokimeamu, ghalala n'ebyayiro byakyo; Bethi Horoni, ghalala n'ebyayiro byakyo;

⁶⁹ Aiyaloni, ghalala n'ebyayiro byakyo; Gathi Rimmoni, ghalala n'ebyayiro byakyo.

⁷⁰ Era baabagha ebibuga ebyatoolebwa ku kiketezo ekyagheebwa ekitundu eky'ekika kya Manasse bino: Aneri, ghalala n'ebiketezo byakyo ebirimu eisubi ery'okwayiramu, ni Bileamu, ghalala n'ebiketezo byakyo ebirimu eisubi ery'okwayiramu.

⁷¹ Ab'oku nda ya Gereshomu baabagha ebibuga bino nga babitoola ku kiketezo ekyagheebwa ekitundu eky'ekika kya Manasse: Golani eky'omu Bashani, ghalala n'ebyayiro byakyo ni Ashitarothi, ghalala n'ebyayiro byakyo.

⁷² Ku bibuga eby'ekika kya Issakari baabaghaaku ebibuga bino: Kedeshi, ghalala n'ebyayiro byakyo; Daberathi, ghalala n'ebyayiro byakyo;

⁷³ Ramothi, ghalala n'ebyayiro byakyo ni Anemu, ghalala n'ebyayiro byakyo.

⁷⁴ Ku bibuga eby'ekika kya Asheri baabaghaaku ebibuga bino: Mashali, ghalala n'ebyayiro byakyo; Abudoni, ghalala n'ebyayiro byakyo;

⁷⁵ Hukoki, ghalala n'ebyayiro byakyo ni Rehobu, ghalala n'ebyayiro byakyo.

⁷⁶ Ku bibuga eby'ekika kya Nafutali baabaghaaku ebibuga bino: Kedeshi eky'omu Galilaaya, ghalala n'ebyayiro byakyo; Hammoni, ghalala n'ebyayiro byakyo ni Kiriathaimu, ghalala n'ebyayiro byakyo.

⁷⁷ Ab'oku nda ya Merari abaali basigairegho nga bakaali kufuna bibuga, baabagha bino ebyatoolebwa ku kika kya Zebuluni: Rimmono, ghalala n'ebyayiro byakyo ni Tabori, ghalala n'ebyayiro byakyo.

⁷⁸ Ku bibuga eby'ekika kya Reubeni e buvandhuba w'omwiga Yorudani, baabaghaaku ebibuga bino: Bezeri eky'oku museetwe, ghalala n'ebyayiro byakyo; Yahaza, ghalala n'ebyayiro byakyo;

⁷⁹ Kedemothi, ghalala n'ebyayiro byakyo ni Mefaathi, ghalala n'ebyayiro byakyo.

⁸⁰ Ku bibuga eby'ekika kya Gadi baabaghaaku ebibuga bino: Ramothi eky'omu Gileadi, ghalala n'ebyayiro byakyo; Mahanaimu, ghalala n'ebyayiro byakyo;

⁸¹ Heshiboni, ghalala n'ebyayiro byakyo ni Yazeri, ghalala n'ebyayiro byakyo.